Kolkaść nasielnictva Biełarusi za studzień—listapad 2009 hoda pamienšyłasia na 12,6 tysiačy ŭ paraŭnańni z anałahičnym letašnim pieryjadam.
Jak paviedamlaje Nacyjanalny statystyčny kamitet, pa stanie na 1 śniežnia ŭ krainie pražyvała 9 młn. 660,8 tys. čałaviek.
U Minsku za studzień—listapad kolkaść nasielnictva pavialičyłasia z 1 młn. 826,8 tysiačy da 1 młn. 856,4 tysiačy.
U astatnich rehijonach krainy hety pakazčyk źniziŭsia. Tak, u Homielskaj vobłaści na 1 śniežnia 2009 hoda naličvaŭsia 1 młn. 464,8 tys. žycharoŭ (na 1 śniežnia 2008 hoda — 1 młn. 461,1 tys.), u Minskaj — 1 młn. 443,7 tys. (1 młn. 455 tys.), u Bresckaj — 1 młn. 428,4 tys. (1 młn. 433,8 tys.), u Viciebskaj — 1 młn. 258,1 tys. (1 młn. 266 tys.), u Mahiloŭskaj — 1 młn. 115 tys. (1 młn. 123,8 tys.), u Hrodzienskaj — 1 młn. 98,1 tys. (1 młn. 103,2 tys.).
Za 11 miesiacaŭ u krainie naradziłasia 100 tys. 704 dziciaci (na 1 tys. 893 bolš u paraŭnańni sa studzieniem—listapadam 2008 hoda), pamierła 122 tys. 963 čałaviek (na 730 bolš).
U hety ž pieryjad u krainu prybyŭ 18 tys. 231 čałaviek, vyjechała — 7 tys. 74. Mihracyjny pryrost skłaŭ 11 tys. 157 čałaviek.
U studzieni—listapadzie hetaha hoda ŭ paraŭnańni sa studzieniem—listapadam minułaha kolkaści zarehistravanych šlubaŭ pavialičyłasia na 1,9% (da 75 tys. 557), razvodaŭ — skaraciłasia na 4,7% (31 tys. 412).
