U sałonie samalota, dzie vypali avaryjnyja dźviery. Skryn videa z sacsietak
Ciapier Fiederalnaje ŭpraŭleńnie hramadzianskaj avijacyi ZŠA rasparadziłasia prypynić ekspłuatacyju niekatorych samalotaŭ hetaj madeli — u avijakampanijach ZŠA i na terytoryi Štataŭ.
Dapuścić da palotaŭ hety Boeing mohuć tolki paśla pravierki (fiederalnaje ŭpraŭleńnie vydała adpaviednuju dyrektyvu). Miarkujecca, što heta zakranie 171 samalot u śviecie. Na pravierku kožnaha spatrebicca 4-8 hadzin.
Hetu dyrektyvu pryniali i ŭ Jeŭrapiejskim ahienctvie biaśpieki palotaŭ, paviedamlaje Reuters. Ale treba adznačyć, što jeŭrapiejskija avijakampanii nie vykarystoŭvajuć Boeing 737 MAX 9.
Tureckaja kampanija Turkish Airlines prypyniła vykarystańnie piaci samalotaŭ hetaj madeli, kab pravieryć ich.
Bolšaść Boeing 737 MAX 9 ekspłuatujuć amierykanskija pieravozčyki United Airlines i Alaska Airlines — 79 i 65 adpaviedna, pryvodzić ličby Bloomberg.
Heta nie pieršy raz, kali prypyniajuć vykarystańnie dadzienaj madeli samalota. U 2018-m i 2019-m zdarylisia dźvie avijakatastrofy z udziełam hetaha Boeing (u Indanezii i Efiopii), u jakich ahułam zahinuli 346 čałaviek.
Čytajcie taksama:
Ź Minska ŭ Stambuł možna budzie dalacieć na dźvie hadziny chutčej, čym ciapier. Jak takoje mahčyma?
«Kazachstan nie budzie ryzykavać». Čamu kazachi nie puskajuć da siabie «Boinhi» ź Biełarusi
«Suvienir z Amsterdama». Na «Avita» pradajecca kavałak źbitaha małajzijskaha «Boinha» MH-17
