Častka sustrečy Cichanoŭskaj i śpikiera parłamienta Jusi Chała-acha prajšła navat na biełaruskaj movie, bo hety palityk taksama i navukoviec-słavist, adpaviedna vałodaje i inšymi słavianskimi movami, u tym liku i biełaruskaj.
Padčas hetaj sustrečy baki abmiarkoŭvali stvareńnie hrupy «Za demakratyčnuju Biełaruś» u parłamiencie Finlandyi i jaje dałučeńnie da pracy mižnarodnaj kaalicyi hrupaŭ siabroŭ Biełarusi. Akramia taho havaryli pra mahčymaść praviadzieńnia słuchańniaŭ pa Biełarusi i pryniaćcia adpaviednaj rezalucyi, jak heta było raniej zroblena ŭ niamieckim Bundestahu.
Z premjer-ministram Finlandyi Pietery Orpa Cichanoŭskaja abmierkavała mahčymaść dapamohi z boku hetaj krainy ŭ arhanizacyi prahram reabilitacyi dla byłych palitźniavolenych i ich siemjaŭ, a taksama pryciahnieńnia režymu da adkaznaści na mižnarodnym uzroŭni.
Akramia taho, Śviatłana Cichanoŭskaja zaklikała premjer-ministra znajści varyjanty spraščeńnia pracedur lehalizacyi biełarusaŭ u Finlandyi, u tym liku atrymańnia palityčnaha prytułku — i źmienšyć kolkaść admovaŭ u jaho nadańni.
Urešcie, ź ministarkaj zamiežnych spraŭ Finlandyi Elinaj Vałtanien Cichanoŭskaja abmierkavała mahčymaści supracy ŭ miežach mižnarodnych arhanizacyjaŭ.
Vałtanien adznačyła, što Biełaruś uniesiena ŭ paradak dnia pasiadžeńniaŭ vaśmiorki paŭnočna-bałtyjskich krainaŭ na hety hod. Tamu pytańnie našaj krainy budzie razhladacca asobna padčas hetych mierapryjemstvaŭ.
Akramia taho, jana padkreśliła, što Finlandyja praciahnie dapamohu demakratyčnaj Biełarusi, u pryvatnaści padtrymku studentaŭ EHU, pravaabaroncaŭ, a taksama prajekty ŭ miežach Kantaktnaj hrupy ŭ Radzie Jeŭrasajuza.
Siońnia taksama ŭ Finlandyi pačała pracu dvuchdzionnaja kanfierencyja pad nazvaj «Chielsinkski Dyjałoh: budučynia Biełarusi»
U joj biaruć udzieł 130 čałaviek. Heta pradstaŭniki biełaruskaj hramadzianskaj supolnaści, ekśpiertnaj supolnaści, palityki, pradstaŭniki Abjadnanaha pierachodnaha kabinieta, Kaardynacyjnaj rady, dypłamaty, ambasadary, śpiecpasłańniki ŭ Biełarusi, pradstaŭniki jeŭrapiejskich krain i ZŠA. Śviatłana Cichanoŭskaja adkryła hetuju kanfierencyju razam ź ministarkaj zamiežnych spraŭ Finlandyi, a taksama hienieralnaj sakratarkaj Parłamienckaj asamblei Rady Jeŭropy.
U svajoj pramovie na adkryćci kanfierencyi Śviatłana Cichanoŭskaja padkreśliła jeŭrapiejski vybar Biełarusi i jaje jeŭrapiejskuju budučyniu.
Čytajcie taksama:
«Cichanoŭskaja — heta dla nas Božy dar» — Milinkievič
Śviatłana Cichanoŭskaja sustrełasia z pasłom ZŠA ŭ Polščy i pacisnuła łapu jaho sabaku
adziačyli ?