Ahulnaharadskoje śviata pačniecca ŭ 21.00 na płoščy kala Nacyjanalnaj biblijateki.
U teatralizavanym pradstaŭleńni i kancercie voźmuć udzieł artysty biełaruskaj estrady i narodnyja kalektyvy. Śviata pradoŭžycca da 5.00. Dniom (z 13.00 da 15.00) na hetaj ža placoŭcy adbudziecca pradstaŭleńnie i dyskateka dla dziaciej i moładzi.
Śviatočny fiejervierk možna budzie ŭbačyć kala abieliska «Minsk — horad‑hieroj» z 1.30 da 1.50.
U Zavodskim rajonie prahrama «Pryvitańnie, Novy hod!» projdzie z 1.00 da 4.00 na placoŭkach kala DK MAZa (pr. Partyzanski, 117a), na vulicy Hierasimienki, 26, vulicy Bačyły, 1, u mikrarajonie Sosny. 1 studzienia z 13.00 da 15.00 śviaty pradoŭžacca na katku ŭ mikrarajonie Čyžoŭka i ŭ parku imia 50‑hodździa Vialikaha Kastryčnika. 2 studzienia z 12.00 da 15.00 śviata dla dziaciej i darosłych adbudziecca ŭ Minskim zaaparku.
U Leninskim rajonie navahodnija rajonnyja śviaty projduć na płoščy kala kinateatra «Salut» (pr. Rakasoŭskaha, 150a) i ŭ mikrarajonie Łošyca (kala škoły № 222 na vulicy Łučyny, 40) z 0.30 da 3.30. Dniom kala kinateatra «Salut» projdzie śviata dla dziaciej (z 1.00 da 15.00).
U Maskoŭskim rajonie navahodniaje śviata žychary zmohuć ubačyć z 1.00 da 4.00 u skvierach na praśpiekcie Lubimava i na vulicy Karpava. Viečaram 1 studzienia z 18.00 da 20.00 śviatočnaje pradstaŭleńnie i hulańni projduć u skviery na praśpiekcie Lubimava. 4 i 5 studzienia tut z 12.00 da 14.00 budut arhanizavany pradstaŭleńni i konkursy dla dziaciej.
U Kastryčnickim rajonie z 1.00 da 5.00 rajonnyja śviaty projduć na čatyroch placoŭkach: kala DK čyhunačnikaŭ (vuł. Čkałava, 7), kala kinateatra «Elektron» (vulica Kazinca, 117), handlovaha centra pa vulicy Asanalijeva, 40), handlovaha kompleksu pa vulicy Baramzinoj, 10a u pasiołku Sokał.
U Partyzanskim rajonie z 0.30 da 4.00 navahodniaje śviata projdzie na płoščy pierad zavodaŭpraŭleńniem MTZ i na łyžarolernaj trasie na vulicy Staletava. 1 studzienia ŭ 13.00 pačniecca śviatočnaja prahrama dla dziaciej u parku imia Horkaha.
Navahodni kancert dla žycharoŭ Pieršamajskaha rajona projdzie na placoŭcy kala mahazina «Haspadarčyja tavary» na vulicy Rusijanava, 1. Pradstaŭleńnie budzie doŭžycca z 0.30 da 4.00. Z 13.00 da 14.00 adbudziecca dziciačaje śviata. 1 studzienia (u 15.00 i 18.00), 2 studzienia ŭ 14.00 i 15.00, 3 studzienia ŭ 15.00 buduć pačynacca śviatočnyja prahramy ŭ parku imia Čaluskincaŭ.
Śviata «Čaraŭnictva navahodniaj nočy» u Savieckim rajonie projdzie na troch placoŭkach: pierad univiersamam «Paŭnočny» ( vuł. Mirašničenki, 3), na stadyjonie SŠ № 53 pa vulicy Biady, 9 i na płoščy pierad Kamaroŭskim rynkam. Tut ža 1 studzienia ŭ 12.00 pačniecca dziciačaje śviata. 3 studzienia ŭ 12.00 dziciačaje śviata pačniecca na stadyjonie SŠ № 53.
Śviatočnyja mierapryjemstvy ŭ Frunzienskim rajonie 1 studzienia z 1.00 da 4.00 adbuducca na piaci placoŭkach: kala Minskaha ladovaha pałaca sportu (vulica Prytyckaha, 27), kala rynku «Zachodni» (vuł. Burdejnaha, 6), kala mahazina «Kuncaŭščyna» i ŽEU № 103, kala mahazina «Kupałaŭski» (vuł. Łyńkova, 57) i kala Minskaha rajonnaha centra kultury (vuł. Vyšaleskaha, 7). 2 studzienia z 12.00 da 14.00 kala Ladovaha pałaca projdzie dziciačaje śviata.
U Centralnym rajonie śviata adbudziecca na placoŭkach kala Pałaca sportu (pr. Pieramožcaŭ, 4) i kala Minskaha haradskoha pałaca dziaciej i moładzi (Staravilenski trakt, 41). 2 studzienia ŭ 10.00 na katku projdzie rajonnaje navahodniaje dziciačaje spartyŭnaje śviata «Maroz viesiałości nie škodzić».
