Savieckaje RUUS Minska pravodzić pravierku pa fakcie surjoznaha traŭmavańnia minčuka 1 studzienia. U vyniku vybuchu pietardy 35‑hadovy žychar stalicy pazbaviŭsia voka.
Jak paviedamili ŭ HUUS Minharvykankama, viečaram 1 studzienia kampanija adznačała Novy hod u adnoj z zabaŭlalnych ustanoŭ u Savieckim rajonie. Razhar śviata jany vyrašyli ŭpryhožyć z dapamohaj piratechniki i ŭstanavili na vulicy pietardy. Jak vynikaje z materyjałaŭ pieršapačatkovaj pravierki, u hetym udzielničaŭ i sam paciarpieły.
Z traŭmatyčnym paškodžańniem levaha voka mužčyna byŭ dastaŭleny ŭ balnicu. Paśla apieracyi daktary vynieśli dyjahnaz: kantuzija 4‑j stupieni, razmazdžerańnie vočnaha jabłyka, termičny apiok kanjunktyvy, apioki skury paviek 1‑2 stupieni, hiematoma paviekaŭ levaha voka.
Na dadzieny momant staić pytańnie ab prysvajeńni hrupy invalidnaści, bo paciarpieły pazbaviŭsia 50% zroku.
Usiaho z traŭmami vačej u vyniku vykarystańnia piratechniki ŭ Minsku ŭ navahodnija śviaty byli špitalizavanyja try čałavieki.
0
0
0
0
0
0
