Pa fakcie niepraŭdzivaha paviedamleńnia pra terakt, što rychtujecca ŭ ciahniku «Kalininhrad — Maskva», Aršanskim adździełam unutranych spraŭ na transparcie raspačata kryminalnaja sprava na padstavie art. 340 KK (zaviedama niepraŭdzivaje paviedamleńnie pra niebiaśpieku).
Pra heta paviedamili va ŭpraŭleńni ŭnutranych spraŭ na transparcie MUS Biełarusi.
***
Jak pieradavałasia raniej, 536 pasažyraŭ byli evakuavany minułaj nočču ź ciahnika «Kalininhrad — Maskva» na stancyi ŭ Oršy (Viciebskaja vobłaść) z‑za pahrozy terakta.
Prykładna ŭ 23.00 5 studzienia ŭ Aršanski AUST ad kaleh sa Smalenska pastupiła paviedamleńnie, što ŭ pravaachoŭnyja orhany patelefanavaŭ nieviadomy i papiaredziŭ pra terarystyčny akt, jaki rychtujecca ŭ ciahniku «Kalininhrad — Maskva».
U pačatku druhoj hadziny ciahnik z 16 vahonaŭ prybyŭ u Oršu i byŭ pieraviedzieny na druhi puć paŭdniovaha boku čyhunačnaj stancyi. Usich pasažyraŭ raźmiaścili ŭ tranzitnaj zale vakzała.
Sapiory z sabakami, jakija ahladali ciahnik, nijakich vybuchovych prystasavańniaŭ nie znajšli. Paviedamleńnie pra terakt było niepraŭdzivym.
U 3.30 6 studzienia ciahnik praciahnuŭ ruch u Maskvu. Zatrymka, pavodle źviestak milicyi, skłała 2 hadziny 23 chviliny.
Pavodle papiarednich źvietsak, užo jość padazravany ŭ «miniravańni» pasažyrskaha ciahnika. Pieršym pra heta zajaviŭ hubiernatar Kalininhradskaj vobłaści Hieorhij Baos. Zhodna ź niepaćvierdžanymi pakul źviestkami, złamyśnik zatrymany ŭ Biełarusi.