Finski lehijanier chakiejnaha minskaha «Dynama» Chanies Chiuvienien siońnia pierajšoŭ u kazanski «Ak Bars».
«Ja b pieraściaroh ad pošukaŭ niejkaha dvajnoha dna ŭ hetaj situacyi — jaho prosta niama. Historyja raźvivałasia nastupnym čynam: svajo žadańnie atrymać Chaniesa ŭ svaje šerahi kazancy ahučyli jašče da Novaha hoda. Pieršaj našaj reakcyjaj taksama było ździŭleńnie: usio‑taki Chiuvienien vielmi karysny našaj kamandzie. I ŭsio ž, parazvažaŭšy, vyrašyli, što było b niesumlenna chavać zacikaŭlenaść «Ak Barsa» u chakieiście ad jaho samoha. I Chanies paprasiŭ dazvoł pasprabavać svaje siły ŭ Kazani», — prakamientavaŭ pierachod hienieralny dyrektar «Dynama» Alaksandr Bieły na aficyjnym sajcie kłuba.
34‑hadovy fin byŭ lideram minskaj kamandy. U hetym siezonie Chiuvienien nabraŭ 27 punktaŭ (16 šajb + 11 pieradač), bolš tolki ŭ kanadca Płeta.
U Biełarusi Chiuvienien vystupaŭ ad minułaha siezona, i za hety čas paśpieŭ stać lubimcam minskaj publiki.
Chiuvienien vystupaŭ za zbornuju Finlandyi na minułym čempijanacie śvietu, ale ŭ śpis hulcom, što pajeduć ad Suomi na Alimpijadu, nie trapiŭ.
