Žuraŭla zatrymali ŭ mai 2023 hoda ŭ Vałhahradzie paśla taho, jak u telehram-kanale «Ranica Dahiestana» apublikavali videa, na jakim čałaviek (jaho tvara nie vidać, tolki ruka) u kustach kala Vałhahradskaj sabornaj miačeci spalvaje Karan. ŚMI śćviardžajuć, što ŭkrainskija śpiecsłužby za 10 tysiač rasijskich rubloŭ (120 dalaraŭ) paprasili jaho ździejśnić złačynstva, kab «dapamahčy krainie». U sudzie Žuraviel pryznaŭ vinu ŭ spaleńni śviaščennaj knihi, ale nie ŭ chulihanstvie. Jon paprasiŭ prabačeńnia ŭ musulman za svoj učynak, zajaviŭšy, što nie viedaŭ, nakolki dla ich važny Karan.
Pa daručeńni kiraŭnika SK RF Alaksandra Bastrykina spravu vałhahradca Žuraŭla pieradali śledčym z Čačni. Kala hroźnienskaha SIZA jaho sustreli aburanyja žychary rehijonu z płakatami «Ruki preč ad Karana».
U žniŭni stała viadoma, što Žuraŭla źbiŭ 15-hadovy syn kiraŭnika Čačni Ramzana Kadyrava Adam.
Rehijanalny ambudsmen Mansur Sołtajeŭ tady zapeŭniŭ, što ŭ Čačni «nichto nie moža być padvierhnuty katavańniam i źbićciu» i pa incydencie praviaduć pravierku. Paśla zdareńnia Adam Kadyraŭ atrymaŭ jak minimum čatyry ŭznaharody i pasadu ŭ słužbie biaśpieki Čačni.
U kastryčniku Ramzan Kadyraŭ apublikavaŭ videa ź Mikitam Žuraŭlom. U im abvinavačany ŭ spaleńni Karana vykazvaje žadańnie pryniać isłam. U adkaz Kadyraŭ nazvaŭ jaho «ahientam SBU», «pravakataram i dyviersantam». U śniežni na pres-kanfierencyi kiraŭnik Čačni zajaviŭ, što «było b dobra», kali b jaho syn zabiŭ Žuraŭla.
U listapadzie 2023 hoda «Miemaryjał» pryznaŭ Mikitu Žuraŭla palitviaźniem. Na dumku pravaabaroncaŭ, u ich jość padstavy sumniavacca, što mienavita jon spaliŭ Karan, bo na videa niama ŭkazańniaŭ aŭtarstva.
Čytajcie taksama:
Kadyraŭ publična paškadavaŭ, što jahony syn nie zabiŭ čałavieka ŭ SIZA
Kadyraŭ pryhraziŭ Sabčak, kab «nie čapała» jaho siamju, i patłumačyŭ vychadku svajho syna ŭ SIZA
