Takaja mahčymaść źjavicca ŭ žycharoŭ i haściej stalicy z 18 studzienia dziakujučy novamu sacyjalnamu prajektu Ahienctva telenavinaŭ i minskaj milicyi.
Infarmacyja ab darožnym stanoviščy ŭ horadzie budzie tranślavacca na Pieršym kanale ŭ režymie realnaha času z dapamohaj kamier videanazirańnia staličnaha HUUS.
Kožny ranak u pramym efiry ŭ prahramie «Zona Ch» — adrazu paśla 7‑ i 8‑hadzinnych vypuskaŭ navinaŭ — hledačy ŭbačać usie prablemnyja skryžavanni i «kartu zatoraŭ Minska»,
daviedajucca pra toje, jakija vulicy siońnia pierakryty i navat dzie nie pracujuć śviatłafory.
Ciaham dnia situacyja na staličnych darohach budzie demanstravacca jašče dvojčy — u vypuskach «Navinaŭ rehijona» ŭ 15.15 i 19.20.
Jak miarkuje aŭtar prajekta Kirył Kazakoŭ, nieabchodnaść u vizualnaj karcie daroh Minska naśpieła ŭžo daŭno — ciapier u horadzie naličvajecca kala 700 tysiač aŭto, i słova «zator», na žal, štodnia aktualnaje dla hałoŭnych i druhasnych daroh biełaruskaj stalicy. Prajekt dapamoža kiroŭcam chutčej zaryjentavacca i vybrać najlepšy maršrut šlachu.
0
0
0
0
0
0
