Zaŭtra ŭ Horadni maje adbycca pasiadžeńnie Hałoŭnaj Rady niepryznanaj uładami častki Sajuzu palakaŭ Biełarusi, jakaja padtrymlivaje Anžaliku Borys.
Siłavyja struktury ŭ piatnicu ŭžo pačali «apracoŭku» budučych udzielnikaŭ.
Pavodle słovaŭ aktyvista hetaj častki SPB Andreja Pačobuta, biełaruskich palakaŭ vyklikajuć «na razmovu» ŭ milicyju i KDB, rajać nikudy nia jeździć. Usiaho zafiksavana čatyry vypadki «zaprosinaŭ».
U Brasłavie byŭ zatrymany Viktar Maculevič. U Navahradku, pa źviestkach na 17.30, dźvie milicejskija mašyny dziažuryli pad domam miascovaha lidera supołki SPB Vojciecha Baradyna, kab uručyć jamu paviestku.
Kolkaść siabraŭ Hałoŭnaj Rady, jakaja rehlamentuje dziejnaść SPB pad kiraŭnictvam Anžaliki Borys pamiž źjezdami, – 33. Kab schod adbyŭsia, nieabchodna, kab prysutničała bolš za pałovu čalcoŭ – 17 čałaviek)
Andrej Pačobut miarkuje, što ŭłady svaimi dziejańniami žadajuć sarvać kvorum.
