Unuk Iosifa Stalina, Jaŭhien Džuhašvili, patrabuje ŭzbudzić kryminalnuju spravu suprać supracoŭnikaŭ SBU i sudździaŭ, jakija pryznali jahonaha dzieda vinavatym ŭ arhanizacyi Haładamora va Ukrainie ŭ 1932-1933 hadach.
Takoje patrabavańnie jon ahučyŭ u liście da hienprakurora Ukrainy Alaksandra Miadźviedźka.
«Nie ŭdavajučysia ŭ sutnaść hetaha iłžyvaha abvinavačańnia, bolš darečnaha dla hałoŭnaha voraha Stalina – Hitlera, a nie dla abvinavaŭcy, jak by demakratyčnaj dziaržavy, źviartaju uvahu, što navat z farmalnaha punktu hledžańnia ŭ pačatku 30-ch hadoŭ na terytoryi Ukrainy i ŭ śviecie hienacyd nie źjaŭlaŭsia złačynstvam » – zajaŭlaje ŭnuk Stalina.«Sudździ nie mahli nie viedać, što artykuł 442 KK Ukrainy, jakaja praduhledžvaje pakarańnie za hienacyd, byŭ uviedzieny va Ukrainie ŭ 1990-ch hadach i pryznačany dla razhladu dziejańniaŭ sučasnych lideraŭ – Kraŭčuka, Kučmy i Juščanki, a nie spraŭ majho ŭžo pamierłaha dzieda» – śćviardžaje Jaŭhien Džuhašvili ŭ adkaz na vierdykt Apielacyjnaha suda Kijeva ad 13 studzienia hetaha hoda. «Takim čynam, ździajśnieńnie maim dziedam jakich-niebudź złačynstvaŭ pa zakonach savieckaj i sučasnaj Ukrainy – cyničnaja vydumka» – zajaŭlaje Džuhašvili.
«Słužačyja SBU i sudździ cynična abyšli punkt 1 artykuła 7 Jeŭrakanviencyi ab abaronie pravoŭ čałavieka, pavodle jakoha nichto nie moža być asudžany za dziejańnie abo za biaździejańnie, jakoje, zhodna dziejučamu zakonadaŭstvu, na momant učynieńnia nie źjaŭlałasia złačynstvam.Prašu suprać asob, što zhańbili majho dzieda, uzbudzić kryminalnuju spravu i damahčysia ich pakarańnia» – zajaviŭ Džuhašvili ŭ svaim videazvarocie.
0
0
0
0
0
0
