Supracoŭniki padmaskoŭnaj milicyi ŭstanavili padrabiaznaści incydentu ŭ Vidnym, jaki vyklikaŭ vializny rezanans u ŚMI.Vyśvietliłasia, što byłomu supracoŭniku DPS, jaki ŭ niećviarozym stanie čaplaŭsia da dziaŭčyny, supraćstajała nie hrupa śviadomych hramadzian, jak pra heta paviedamlałasia , a adzin stały čałaviek. Da taho ž, finał nie byŭ trahičnym — nichto byłomu milicyjantu nie pierarazaŭ horła.
Pieršapačatkova srodki masavaj infarmacyi padavali padziei jak śviadomaje procistajańnie pasažyraŭ maršrutki pjanamu nachabnamu milicyjantu. Navina abrastała ŭsio novymi i novymi padrabiaznaściami i skažałasia, vyhladajučy jak čarhovaja prajava biasčynstva milicyi.
Jak paviedamlaje ahienctva «Rosbałt», apieratyŭniki dapytali kala dziesiatka śviedkaŭ i skłali «sapraŭdnuju karcinu taho, što zdaryłasia».
Pavodle dadzienych ahienctva, 26‑hadovy małodšy lejtenant Jury Załužny byŭ zvolnieny z orhanaŭ unutranych spraŭ 14 studzienia z farmuloŭkaj «pa ŭłasnym žadańni». Adnak realnaj pryčynaj zvalnieńnia staŭ niastrymany charaktar supracoŭnika DPS UUS Čechava, jaki prajaŭlaŭsia pry znosinach z kiroŭcami i kalehami.
U noč na 17 studzienia Załužny, vypiŭšy šmat śpirtnoha, pajechaŭ katacca na svaim miersiedesie. Kala 6 ranicy na prypynku hramadskaha transpartu ŭ Vidnym jon zaŭvažyŭ dziaŭčynu, vyjšaŭ z mašyny i pačaŭ da jaje čaplacca.Taja zalacańni pjanaha mužčyny adrynuła, ale jon staŭ prajaŭlać nastojlivaść, uhavorvajučy sieści da jaho ŭ mašynu. Kali były milicyjant pierajšoŭ na hrubaści, za dziaŭčynu zastupiŭsia małady čałaviek na prypynku.
Daišnik nakinuŭsia na jaho z kułakami, ale ŭ hety momant da prypynku padjechała maršrutka i małady čałaviek zmoh vyrvacca i zaskočyć u sałon. Da taho momantu dziaŭčyna paśpieła źbiehčy.
Załužny pačaŭ źbivać i piensijaniera, pavaliŭšy jaho na śnieh. Ale tut padjechaŭ rejsavy aŭtobus i stały mužčyna kinuŭsia biehčy.Eks‑daišnik kinuŭsia za im i dahnaŭ. Pasažyry aŭtobusa tolki tady zdahadalisia vyklikać milicyju.
Piensijanier źbieh, a supracoŭniki milicyi zatrymali byłoha kalehu. Zaraz viadziecca śledstva, ale Załužny nie pryznaje svajoj viny i kaža, što nijakich incydentaŭ na prypynku nie było.
