Baranavicki paet Aleś Kornieŭ atrymaŭ litaraturnuju Miadovuju premiju dasłaŭ čytač 2

Kachańnie! Ad jaho pačatak
Žyćcio biare pa ŭsioj ziamli.
Aleś Kornieŭ

14 studzienia baranavickija paety, krajaznaŭcy, amatary pryhožaha słova naviedali Pružany. Mienavita tut adbyvajecca štohadovaje ŭručeńnie Miadovaj premii, jakuju zasnavaŭ z 2001 hoda pružanski pradprymalnik Mikałaj Papieka.

Za 2009 hod premiju (pud miodu i dypłom) atrymaŭ baranavicki paet Aleś Kornieŭ za zbornik vieršaŭ «Nieŭtajmoŭny sieksafon». Uručeńnie premii adbyłosia ŭ muziei-siadzibie Pružanski «Pałacyk». Na ŭračystaj imprezie vystupili baranavickija i bieraścieskija paety i navukoŭcy Aleś Kasko, Michaś Malinoŭski, Lavon Bałasiuk, Uładzimir Barysiuk, Jaŭhien Białasin, Ivan Łahvinovič. A bardy Taćciana Repičava i Aleś Papłaŭski praśpiavali svaje cudoŭnyja pieśni.

Aleś Kornieŭ — adzin z samych plonnych paetaŭ Bieraściejskaj vobłaści. Jon aŭtar šmatlikich paetyčnych zbornikaŭ vieršaŭ. U takich zbornikach jak «Uśled za łastaŭkaj», «Hraje ranica zaru» Aleś Kornieŭ apiavaje charastvo rodnaj ziamli i jaje ludziej. A ŭ zborniku vieršaŭ «Kryžy ziamielki našaje» aŭtar u vieršavalnaj formie pakazvaje trahična-hieraičnuju historyju našaj ziamli. Ale najbolš paet Kornieŭ (pa prafiesii doktar-dermatołah) prasłaviŭsia luboŭnaj lirykaj, raskryćciom intymnych adnosinaŭ pamiž mužčynaj i žančynaj.

Žyvie ŭva mnie tvajo śviatło i aŭra,
I tvoj nastroj — uzvyšany mažor.
Ty dla mianie, jak Proksima centaŭra,
Bližejšaja z usich niabiesnych zor.

Pra takoje pryhožaje kachańnie piajecca ŭ zbornikach vieršaŭ «Žanočyja napievy», «Pad zorkaj Miłavicaj», «Nieŭtajmoŭny sieksafon». Hetyja vieršy — pra kachańnie, pra erotyku.

Usie siabry i prychilniki rodnaha słova ščyra vinšujuć spadara Alesia Kornieva z pryhožaj i zasłužanaj uznaharodaj.

0

0

0

0

0

0

Viktar Syryca, staršynia Baranavickaj Rady TBM imia F. Skaryny

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH