Jak paviedamlałasia raniej, z 1 studzienia 2010 hoda, z uvachodžańniem u siłu Asablivaj častki Padatkovaha kodeksa,
utraja — z 60 da 180 jeŭra — uzros košt viz, jakija adkryvajucca ŭ Nacyjanalnym aeraporcie «Minsk» hramadzianam z krain, dzie jość biełaruskaje konsulstva. Z 60 da 90 jeŭra ŭzros košt viz dla hramadzian ź dziaržaŭ, dzie biełaruskaha konsulstva niama.
Pradstaŭniki turbiźniesu rezka adreahavali na novaŭviadzieńnie, zajaviŭšy, što padaražańnie viz u aeraporcie pazbaŭlaje ich mahčymaści pracavać z zachodnim rynkam.
«Ja dumaju, što heta niedarečna.
Moža być, naša pamyłka, z našaha boku my štości dzieści niedahledzieli,
— skazaŭ Kačan. — Dumaju, budzie pryniata adpaviednaja pastanova, i ŭsio heta budzie viernuta na svaje miescy. Užo prapracoŭvajem hetaje pytańnie. Nie toje kab šukajem vinavatych, a prosta ŭstaraniajem, spraščajem».
Pry hetym ministr adznačyŭ, što ŭ asnoŭnym turysty pryjazdžajuć u Biełaruś z krain-susiedziaŭ, karystajučysia pieravažna naziemnym transpartam. «Heta [pavyšeńnie koštu viz u aeraporcie] nie adabjecca mocna. Moža być, stracim na niejki čas častku turystaŭ», — skazaŭ Kačan.Dźmitryj Ułasaŭ, BiełaPAN.
