Fota: newsgeorgia.ge
Namieśnik ministra ŭnutranych spraŭ Alaksandr Darachvielidze zajaviŭ, što akcyja la parłamienta «pryniała hvałtoŭny charaktar» i jaje ŭdzielniki supraćstajali palicyi słaviesna i fizična. Pavodle jaho słoŭ, paciarpieli šeść palicyjantaŭ. Kolkaść paciarpiełych udzielnikaŭ akcyi jon nie nazvaŭ.
Minułaj nočču śpiecnaz niekalki razoŭ raspačaŭ sprobu razhonu, ale mitynhoŭcy kožny raz viartalisia na praśpiekt Rustavieli. U vyniku da 4.30 ranicy śpiecnaz adstupiŭ, pakinuŭšy praśpiekt Rustavieli pratestoŭcam.
Suprać demanstrantaŭ byli ŭžytyja vadamioty, piarcovy sprej, ślozaciečny haz, humovyja kuli.
Prezident Zurabišvili za noč niekalki razoŭ patrabavała ad MUS spynić razhon mirnaj akcyi.
Čytajcie taksama:
U Hruzii palicyja ŭžyła ślozatačyvy haz i vadamioty na mitynhu suprać zakona ab zamiežnych ahientach
Prezidentka Hruzii paabiacała nakłaści vieta na zakon «ab zamiežnych ahientach»
