Cyrymonija sychodžańnia Žyvatvornaha ahniu ŭ Ijerusalimie 4 maja 2024 hoda. Fota: AP Photo/Ohad Zwigenberg
U 2018 hodzie hrečaski žurnalist Dzimitrys Alikakas pajechaŭ u Ijerusalim, kab daśledavać staražytny rytuał sychodžańnia Žyvatvornaha ahniu. Na miescy Alikakas uziaŭ intervju ŭ niekalkich śviataroŭ, u tym liku ŭ adkaznaha za rytualnyja pradmiety — śviečki, jakija niasuć u sabie Žyvatvorny ahoń — chrama Truny Haspodniaj archijepiskapa Isidara.
Archijepiskap u razmovie z žurnalistam raskazaŭ, što ahoń zapalvajuć z dapamohaj zapalnički. Intervju ź im uvajšło ŭ knihu Alikakasa «Adkupleńnie. Sprava ab Žyvatvornym ahni», jakaja vyjšła ŭ 2019 hodzie.
Paśla hetaha Ijerusalimski patryjarchat padaŭ sudovy pazoŭ na adras žurnalista i abvinavaciŭ jaho ŭ paklopie. Pradstaŭniki carkvy nastojvali, kab Alikakas vydaliŭ videa z archijepiskapam Isidaram ź internetu. Ale sud staŭ na bok žurnalista.
Sychodžańnie Žyvatvornaha ahniu adbyvajecca napiaredadni Vialikadnia. Abrad sustrečy ahniu pravodziać mierkavana z IV stahodździa. 4 maja 2024 hoda, napiaredadni pravasłaŭnaha Vialikadnia, pa tradycyi cyrymonija prajšła ŭ Ijerusalimie ŭ Kuvuklii, marmurovaj kaplicy nad piačoraj Truny Haspodniaj. Paźniej ahoń razvoziać pa ŭsim śviecie.
Čytajcie taksama:
Dzie i kali projdzie vielikodnaja słužba ŭ Vilni pa-biełarusku
Pravasłaŭnyja śviatkujuć Vierbnuju niadzielu pad uzmocnienymi naradami milicyi z aŭtamatčykami
