Ilustracyjnaje fota BiełTA
Hruzaviki mohuć čakać u čarzie na miažy Litvy i Biełarusi pa 80-100 hadzin. 4 sakavika ŭ punktach propusku «Miedniki» («Miadzininkaj») i «Salečniki» («Šalčyninkaj») svajoj čarhi čakali pa 750 fur.
Čerhi ŭtvarylisia praz pavieličeńnie transpartnych płyniaŭ u suviazi z zakryćciom pamiežnych pierachodaŭ u Litvie, Polščy i Łatvii, adznačyŭ pradstaŭnik Dziaržaŭnaj pamiežnaj słužby Litvy Hiedrus Mišucis, piša LRT.
Akramia taho, na chutkaść prachodžańnia miažy ŭpłyvaje ŭzmacnieńnie pravierak i ŭzmacnieńnie strohaści kantrolnych pracedur z-za vajny va Ukrainie i sankcyj suprać Biełarusi i Rasii. Taksama čarha pavialičyłasia z-za pravasłaŭnaha Vialikadnia.
Sa słoŭ Mišucisa, bolšaść kiroŭcaŭ-dalnabojščykaŭ u čerhach — heta hramadzianie Biełarusi. Taksama šmat kiroŭcaŭ z Kazachstana, Kyrhyzstana i Uźbiekistana. Dalnabojščykaŭ z Polščy, Litvy i Łatvii ŭ čerhach amal niama.
Pradstaŭnik litoŭskaj pamiežnaj słužby adznačaje, što hetyja čerhi — nie rekordnyja. «Heta nie samaja horšaja situacyja, za čas isnavańnia pamiežnych punktaŭ propusku», — raspavioŭ Mišucis.
Za apošni hod Litva zakryła čatyry punkty propusku na miažy ź Biełaruśsiu. Na łatvijska-biełaruskaj miažy pracuje tolki adzin pierachod, na miažy z Polščaj — adzin dla lehkavych aŭto i aŭtobusaŭ i adzin dla hruzapieravozčykaŭ.
