Patryjarch Kirył. Fota: Alexander Zemlianichenko / AP
Pres-słužba RPC vydaliła pažadańnie patryjarcha Kiryła Pucinu zastavacca va ŭładzie «da skančeńnia vieku». Na heta źviarnuła ŭvahu teołah Natalla Vasilevič.
7 maja padčas nabaženstva z nahody inaŭhuracyi Pucina ŭ Błahavieščanskim sabory Kramla patryjarch Kirył skazaŭ nastupnaje: «Błasłavieńnie Božaje, Pakroŭ Carycy niabiesnaj niachaj znachodzicca z vami va ŭsie dni žyćcia vašaha, da skančeńnia vieku, jak my kažam. I sa śmiełaściu skažu: daj Boh, kab kaniec vieku i aznačaŭ kaniec vašaha znachodžańnia va ŭładzie. U vas jość usio dla taho, kab doŭha i paśpiachova ździajśniać hetaje vialikaje słužeńnie Radzimie».
Adnak u pres-relizie na sajcie Maskoŭskaha patryjarchata cytata vyhladaje inakš:
«Błasłavieńnie Božaje, Pakroŭ Carycy Niabiesnaj dy znachodziacca z vami va ŭsie dni žyćcia Vašaha. U Vas jość usio dla taho, kab doŭha i paśpiachova ździajśniać hetaje vialikaje słužeńnie Radzimie».
Jak adznačyła žurnalistka Faryda Rustamava, pažadańnie Kiryła taksama vyrazali z aficyjnaha videa na jutub-kanale patryjarchata. Pry hetym słovy patryjarcha zastalisia na videa ź inaŭhuracyi na sajcie Kramla, piša «Mieduza».
Čytajcie taksama:
Patryjarch Kirył pažadaŭ Pucinu kiravać jašče 76 hadoŭ
Pucin na paradzie Pieramohi nazvaŭ hierojami ŭdzielnikaŭ uvarvańnia va Ukrainu
