U Mižziemnym mory paciarpieŭ krušeńnie samalot Ethiopian Airlines, jaki rabiŭ rejs maršrutam Biejrut — Adys‑Abieba. Na borcie znachodzilisia, pavodle roznych acenak, ad 89 da 92 čałaviek.
«Boinh‑737‑800» uźniaŭsia ŭ pavietra z aeraporta «Rafik Charyry» ŭ livanskaj stalicy ŭ 2 hadziny 10 chvilin pavodle minskaha času dy ŭziaŭ kurs na stalicu Efiopii. Adnak užo praź piać chvilin latak źnik z ekranaŭ radaraŭ.
Ahienctva Reuters paviedamlaje,
što adrazu paśla ŭźlotu ŭ rajonie aeraporta pačałasia mocnaja navalnica.
Chutčej za ŭsio, u łajnier udaryła małanka. Na dumku dyśpietčaraŭ, samalot znachodziŭsia ŭ pavietry nie bolš za čverć hadziny. Pavodle žycharoŭ adnoj ź livanskich viosak na ŭźbiarežžy Mižziemnaha mora, jany bačyli pałajučy samalot i ŭspyški połymia nad vadoj.
Ahienctva France Press paviedamlaje, što na borcie «Boinha» znachodzilisia 83 pasažyry i 9 členaŭ ekipažu. Reuters nazyvaje inšyja ličby: 8 členaŭ ekipažu i 83 pasažyry. Bolšaść pasažyraŭ — 54 — hramadzianie Livana. Troje ź ich mieli padvojnaje hramadzianstva: brytanskaje, kanadskaje i rasijskaje.
Z 1970 hoda heta treci vypadak avijakatastrofy Ethiopian Airlines.