Džya Talencina. Fota: jaje instahram
Žančyna zaciažaryła vosieńniu 2022 hoda. Heta było jaje druhoje dzicia. Jašče raniej jana vystaviła na telefonie šerah abmiežavańniaŭ: vydaliła bolšaść prykładańniaŭ i adklučyła dostup da kamiery, miescaznachodžańnia i mikrafona amal va ŭsich astatnich dadatkach, adklučyła Siri, nie padłučała nijakich razumnych pryład. A kali zaciažaryła, to dadała jašče niekalki praviłaŭ.
Džya nie šukała ničoha ŭ Google pra ciažarnaść, nie kuplała dziciačyja tavary anłajn abo z dapamohaj kredytnaj karty. Jaje muž taksama nie rabiŭ hetaha, tamu što IP-adrasy pary — i, adpaviedna, vielizarnyja masivy piersanalnych danych — byli źviazanyja. Žurnalistka taksama nie prahladała akaŭnty ciažarnych u Instagram abo forumy ab ciažarnaści ŭ sacsietcy Reddit, papularnaj u amierykancaŭ, nie abnaŭlała svoj kalandar miesiačnych i nie karystałasia dadatkam dla ciažarnych.
Dziesiać hadoŭ tamu prafiesar sacyjałohii Džaniet Viertezi praviała bolš strohi ekśpierymient. Vykarystoŭvajučy składanuju sistemu kodavych słoŭ i ananimny braŭzer Tor, joj udałosia schavać svaju ciažarnaść až da naradžeńnia dziciaci. U artykule pra hety dośvied dla Time jana spasłałasia na spravazdaču Financial Times, u jakoj havorycca, što identyfikacyja adzinokaj ciažarnaj žančyny hetak ža kaštoŭnaja dla brokieraŭ danych, jak i infarmacyja pra ŭzrost, poł i miescaznachodžańnie bolš za dźvieście nieciažarnych ludziej, z-za taho, kolki ŭsiaho kuplajuć maładyja baćki. Jana taksama adznačyła, što z-za prostaj sproby paźbiehnuć vykryćcia na rynku — naprykład, kupli pački padarunkavych kart dla kupli dziciačaj kałyski — jana i muž vyhladali tak, jak byccam jany sprabavali ździejśnić machlarstva.
Džya nie stała prybiahać da nastolki strohich mier. Jana dazvalała sabie adpraŭlać elektronnyja listy ab svajoj ciažarnaści i kazać pra heta, kali jaje telefon byŭ pobač.
«Moj ścipły ekśpierymient prajšoŭ na ździŭleńnie hładka. Pakolki niezadoŭha da hetaha ŭ mianie naradziłasia pieršaje dzicia, na hety raz mnie nie treba było ničoha kuplać, i ja nie chacieła ničomu vučycca. Ja spakojna dažyła da troch miesiacaŭ, čatyroch, piaci; nijakaj rekłamy padhuźnikaŭ [u instahramie]», — apisvaje žurnalistka.
Zakančeńnie ekśpierymientu jana adznačyła tym, što kupiła štany dla ciažarnych. Praź niekalki chvilin u jaje instahramie źjaviłasia rekłama dziciačych kalasak.
U apytańni Pew Research Center, praviedzienym u 2023 hodzie, 75% amierykancaŭ zajavili, što jany praktyčna nie daviarajuć tamu, jak kiraŭniki sacyjalnych sietak apracoŭvajuć karystalnickija danyja, a 71% byŭ zaniepakojeny tym, jak ich vykarystoŭvaje ŭrad. U chodzie inšaha apytańnia 93% amierykancaŭ zajavili, što nie kupili b videakamieru dla dźviarnoha zvanka (papularnaja štuka ŭ ZŠA), kali b jana dazvalała źbirać danyja ab ich siamji.
Čytajcie taksama:
Padčas ciažarnaści zakachałasia ŭ siabra muža: minskaja błohierka padzialiłasia bolem
Išli pa dziaŭčynku, a tut «znoŭ dvojnia». Jak baćki z Baranavičaŭ hadujuć dźvie pary dvajniatak
cha-cia... niadaŭna ž abvieścili, što abstaluć kamierami ŭsie biełaruskija lasy... i heta, maŭlaŭ, budzie pieršy taki vypadak u śviecie