Siarhiej Kavalenka ličyć, što jaho ŭčynak nazvany ŭ miascovych ŚMI chulihanskim pavodle rasparadžeńnia Viktara Nikałajkina. Staršynia Viciebskaha harvykankama pravioŭ z žurnalistami śpiecyjalnuju naradu.
Viciebski siabar KCHP BNF spadar Kavalenka zhadvaje, što nieŭzabavie paśla taje narady ŭ troch viciebskich hazietach źjavilisia artykuły, dzie jaho, jak jon ličyć, śviadoma abražali i źnievažali jahony honar i hodnaść.
Asabliva abraźlivym jon ličyć artykuł «Kamu drenna, kali nam dobra» ŭ haziecie «Vićbičy». Tamu jon napisaŭ zajavu ŭ Kastryčnicki rajonny sud, kab pryciahnuć da administratyŭnaj adkaznaści redaktarku Ninu Tulinavu i aŭtarku artykuła Natallu Vasiljevu.
Za źniavahu honaru i hodnaści aktyvist patrabuje vybačeńniaŭ, žadajučy, kab ich źmiaścili ŭ haziecie «Vićbičy» na toj samaj staroncy, dzie 14 studzienia źjaviŭsia paklopnicki, na dumku Siarhieja Kavalenki, artykuł.