Ratavalniki raźbirajuć ruiny na miescy abvała šmatpaviarchovika ŭ Biełharadzie. Fota Ministerstva pa nadzvyčajnych situacyjach Rasii
12 maja ŭ 10-paviarchovym domie Biełharada abvaliŭsia ceły padjezd. Minabarony Rasii zajaviła, što ŭ jaho trapiŭ askiepak adnoj sa źbitych rakiet, ale daśledčyki miarkujuć, što heta była rasijskaja avijabomba ci zienitnaja rakieta.
Žycharam, čyje kvatery całkam razburany, vypłaciać pa 100 tysiač rasijskich rubloŭ — heta ŭsiaho tysiača dalaraŭ.
Takija vypłaty praduhledžany dla 107 čałaviek. Ich dziaciej adpraviać na adpačynak u łahier «Artek». Pra heta paviedamiŭ hubiernatar Biełharodskaj vobłaści Viačasłaŭ Hładkoŭ.
Pa 500 dalaraŭ (50 tysiač rasijskich rubloŭ) vypłaciać žycharam, u jakich u vyniku vybuchu častkova stračanaja majomaść. Astatnija žychary paškodžanaha doma, čyje kvatery niejak paciarpieli, atrymajuć usiaho pa 100 dalaraŭ (10 tysiač rasijskich rubloŭ).
Sam dom vyrašyli adnavić. Na heta spatrebicca kala 3,8 młn dalaraŭ. Miarkujecca, što hrošy na heta vydzielić Minbud.
Čytajcie taksama:
Pryčynaj abvału doma ŭ Biełharadzie była rasijskaja avijabomba ci zienitnaja rakieta
Abvał padjezda ŭ Biełharadzie zabraŭ žyćci 12 čałaviek
U Biełharadzie abrynuŭsia padjezd šmatpaviarchovika — pad zavałami zastajucca ludzi
