Hetaje pytańnie znachodzicca na razhladzie ŭ staršyni Minskaha abłvykankama Leanida Krupca.
Pra heta paviedamiŭ na pres‑kanfierencyi 26 studzienia načalnik UUS Minabłvykankama Ivan Saŭčyc, adkazvajučy na pytańnie pra nieabchodnaść uzmacnieńnia padraździaleńniaŭ milicyi ŭ Zasłaŭi i Smalavičach u suviazi z płanami prysvajeńnia nazvanym haradam statusu spadarožnikaŭ Minska.
Pavodle słoŭ Saŭčyca, pavieličeńnie štata supracoŭnikaŭ abłasnoj milicyi ŭ suviazi z hetymi płanami najbližejšymi hadami nie płanujecca. Upraŭleńnie ŭnutranych spraŭ maje namier abyścisia svaimi reziervami.
Načalnik UUS taksama źviarnuŭ uvahu na pierśpiektyŭnaje raźvićcio Łahojska, asabliva z ulikam płanaŭ prakładki da rajcentra čyhunki. Padraździaleńni milicyi buduć umacoŭvacca i ŭ hetym rehijonie.
Ivan Saŭčyc paviedamiŭ, što UUS Minabłvykankama padrychtavała prapanovy ab refarmavańni Minskaha RUUS z uzmacnieńniem dziejnych adździełaŭ milicyi ŭ Mačuliščach, Baraŭlanach i Ždanovičach. Adnak nijakich źmienaŭ nie budzie da taho času, pakul miežy Minska nie vyjduć za kalcavuju darohu, skazaŭ jon.
