Samyja patrebnyja i aščadnyja pakupki minskich uładaŭ – 2010 9

Biudžet Minska na 2010 hod składaje kala $2 miljardaŭ. Jaho možna bieź ironii nazvać sacyjalnym —

bolš za 40% vydatkaŭ pojdzie na adukacyju, achovu zdaroŭja, kulturu i sport.

Naprykład, adukacyja zapatrabavała $385 miljonaŭ (19% biudžeta), na achovu zdaroŭja amal stolki ž, $381 miljon. Minskaja kultura razam ź minskim sportam aceńvajucca ŭ $76 miljonaŭ (4%).

Varta ŭdakładnić, što vydatki na milicyju, armiju i KDB vyličvajucca z respublikanskaha biudžeta i na miascovym uzroŭni nie ŭličvajucca.

Ad ahulnaha — da pryvatnaha

Cikavaść ujaŭlaje śpis «nievytvorčaha abstalavańnia i pradmietaŭ praciahłaha vykarystańnia». Praŭda, jon maje vidavočny niedachop dla detalovaha analizu. Dziesiatki pakupak uklučajucca ŭ adnu ličbu. Naprykład, Minharykankam zamoviŭ sabie kamputary, nabory mebli, dyvany, maršrutyzatar, siervier reziervovaha kapiravańnia, kamputarnuju infarmacyjnuju sistemu, skaniery, žaluzi ŭ ratušu, prahramna-aparatny kompleks i abstalavańnie dla praviadzieńniaŭ pasiedžańniaŭ vykankamama na sumu ŭ $140 tysiač. Zdajecca, zašmat, ale čahości kankretnaha, kab aburycca, nie vyłučyš.

Ale sustrakajucca i bolš zrazumiełyja situacyi. Administracyja Pieršamajskaha rajona nie stała prasić u biudžetnaha Dzieda Maroza doŭhi śpis padarunkaŭ. Łakanična i prosta — patrebnyja kamputar (1 št.), kandycyjanier (1 št.) i ksieraks (taksama 1 št.). U vyniku na try pakupki vydzielenyja 20 miljonaŭ rubloŭ ($7 tysiač).

Niachitryja padliki — kandycyjaniery u internet-kramach na partale shop.by kaštujuć ad $156 za samuju prymityŭnuju madel da $1560 za samuju darahuju. Niama sumnievaŭ, što sahravać rajonnuju administracyju treba pa najvyšejšym razradzie. Kuplajem i idziem dalej. Samy kruty kamputar, kab u volny čas čynoŭniki mahli b pahulać u vysokatechnałahičnyja stralałki, abyjdziecca biudžetu ŭ $2000. Takim čynam, navat pry takich padlikach

na prydbańnie ksieraksa zastajecca ŭsiaho ničoha — jak minimum $3440. Ci nie zadoraha?

Junacki kambajn

Ale što prablemy čynoŭnikaŭ u paraŭnańni z tym,

jak pakutuje chakiejny kłub «Junactva-Minsk» biez novaha lodazalivačnaha kambajna?! Jaho kupiać abaviazkovaha. Voś tolki abyjdziecca heta biudžetu ŭ $158 tysiač.

Ci šmat minčan chacieli b, kab ich padatki išli mienavita na prydbańnie takoha aparata? Varta ŭdakładnić, što 37% dachodaŭ biudžetu składajuć padatki fizičnych asobaŭ. Tak što možna ličyć, što $57 tysiač na lodazalivačny kambajn sabrali haradžanie.

Tryvała prykruciŭsia da staličnaha biudžeta futbolny kłub «Minsk». Aproč zvyčajnaj sponsarskaj dapamohi, jaho źbirajucca i adramantavać, i zamianić vientylacyju, i navat davieści da ładu tambur. Ahulny košt ramontnych prac — $210 tysiač.

Płan na hod — $21 miljon štrafaŭ

Kali ŭžo havorka zajšła pra napaŭnieńnie biudžeta, možna adznačyć ekstrasiensornyja navyki čynoŭnikaŭ. Naprykład, jany zahadzia viedajuć, što štrafaŭ budzie sabrana na $21 miljon. Psichałahičnyja zdolnaści da viadzieńnia pieramoŭ dajuć harantyju, što achviaravańniaŭ budzie atrymana na $460 tysiač — ni bolš, ni mienš.

Kolki słoŭ pra pryjarytety Minharvykankama. Susiednimi radkami ŭ im iduć vydatki na restaŭracyju Śviata-Pietrapaŭłaŭskaha sabora i zamiena škłapakietaŭ u budynku Minharvykankama z boku vuł. Śviardłova. Budynak z «boku vulicy Śviardłova» ciahniecca 50 mietraŭ. Tym bolš što patrabujecca, uvaha, zamiena (!) škłapakietaŭ. Nie ŭstanoŭka, a tolki zamiena. Vidać, staryja čynoŭnikam čymści nie padabajucca. Karaciej, da ličbaŭ.

Škłapakiety ŭ ofisny budynak — $88 tysiač. Sabor — $70 tysiač.

Jahor Marcinovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH