Kamanda Jaramira Jahra atrymała pieramohu nad kamandaj Alaksieja Jašyna ŭ matčy zorak Kantynientalnaj chakiejnaj lihi, jaki prajšoŭ 30 studzienia na 15-tysiačnaj «Minsk-Arenie» pry praktyčna poŭnych trybunach. Vynikovy lik — 11:8 (4:1, 3:5, 4:2).
Šajby zakinuli: u kamandy Jahra — Marceł Hosa (7.35, 35.10), Patryk Toresien (12.00, 45.06), Iržy Hudler (13.35, 26.21), Matyjas Vajnchandl (14.54), Marcin Štrbak (31.17), Jozief Vašyčak (40.35), Vile Piełtanien (44.28), Jaramir Jahr (49.54); u kamandy Jašyna — Danis Zarypaŭ (2.07), Alaksiej Jašyn (21.02), Siarhiej Fiodaraŭ (32.02), Maksim Sušynski (34.55, 39.35), Siarhiej Zubaŭ (38.34), Anton Babčuk (51.45), Alaksiej Marozaŭ (54.30, bulit). Jašče dva bulity, jakija pryznačalisia zamiest vydaleńniaŭ, nie realizavali Zarypaŭ (45.48) i Toresien (57.01).
U matčy ŭziali ŭdzieł čatyry pradstaŭniki minskaha «Dynama» — varatar Andrej Miezin (za kamandu Jašyna), a taksama napadajučyja Vile Piełtanien, Džef Płat i abaronca Dźjui Uestkat, jaki byŭ uklučany ŭ zajaŭku ŭ apošni momant i hulaŭ biez numara (za kamandu Jahra). Miezin vyjšaŭ na placoŭku na 32-j chvilinie, paśla taho jak Štrbak davioŭ lik da 6:2 na karyść lehijanieraŭ. Piełtanien vyznačyŭsia nie tolki zakinutaj šajbaj (pry liku 8:6), ale i dvuma halavymi pasami (Toresienu pry liku 1:1 i Vašyčaku pry liku 7:6).
Lepšymi ŭ składzie kamandy napadajučaha SKA Alaksieja Jašyna byli pryznany (u paradku pieraličeńnia) abaronca SKA Siarhiej Zubaŭ (1 hoł + 2 halavyja pieradačy), Andrej Miezin i sam Jašyn (1+1).
U kamandzie forvarda omskaha «Avanharda» Jaramira Jahra, jaki nabraŭ čatyry bały (1+3), lepšymi nazvany varatar hetaha ž kłuba Kary Rama, napadajučy ryžskaha «Dynama» Marceł Hosa (2+0) i Vile Piełtanien.
Pierad matčam na «Minsk-Arenie» prajšło «Majstar-šou».
Chakieisty spaborničali ŭ siami konkursach (kruh na chutkaść, kidki na dalnaść uzdoŭž borta, kidki na dakładnaść, siła kidka, efiektnaść bulitaŭ, estafieta na chutkaść. estafieta «źmiejka»). Pieramohu atrymała kamanda Jašyna — 5:3 (u konkursie bulitaŭ razyhryvałasia dva ački).
Pieršy matč zorak KCHŁ adbyŭsia 10 studzienia 2009 hoda na Čyrvonaj płoščy ŭ Maskvie i taksama zaviaršyŭsia pieramohaj kamandy Jahra — 7:6.
Miesca praviadzieńnia treciaha matču zorak pakul nie vyznačana.
