Iranski apazicyjny lider Mirchasiejn Musavi zaklikaŭ svaich prychilnikaŭ praciahvać akcyi pratestu — niahledziačy na represii z boku ŭładaŭ.
U materyjale, apublikavanym na adnym z apazicyjnych sajtaŭ, Musavi zajaviŭ, što mirnyja pratesty źjaŭlajucca pravam iranskaha naroda.
11 lutaha — u hadavinu isłamskaj revalucyi — apazicyja rychtuje masavyja demanstracyi. Kamientujučy ŭračystaści z nahody hadaviny revalucyi 1979 hoda, Musavi zajaviŭ, što jana nie dasiahnuła svaich metaŭ, bo ŭ krainie pa‑raniejšamu isnuje dyktatura.
Na minułym tydni ŭ Iranie byli pakaranyja dvoje ŭdzielnikaŭ letašnich apazicyjnych demanstracyjaŭ, pracesy nad inšymi ŭdzielnikami akcyj pratestu praciahvajucca.
0
0
0
0
0
0