Pra toje, što ŭ centry Minsku haładajuć i zamiarzajuć naśmierć kački i lebiedzi, pisali i tut, i tut, i tut taksama. Ale ci tak usio kiepska na samoj spravie?
I tak, i nie. Dakładniej — dzie jak. Voś, naprykład, adrezak Śvisłačy ŭ rajonie TEC, kala vulicy Aranskaj. Tut płavajuć lebiedzi, pra jakich tak šmat pisali i kazali. Da bieraha niaspynna idzie čarada ludziej, a ptuški tyja ŭžo i za kormam nie zaŭždy płyvuć. Najelisia. A voś u inšych miescach horada situacyja inšaja. U Parku imia Horkaha kački takija hałodnyja, što, navat kidajucca adna na adnu, sprabujučy ŭchapić kavałačak bułki. Škada ptušak... Ale, jak śćviardžajuć śpiecyjalisty, ludzi sami vinavatyja ŭ takim stanie rečaŭ. Prykarmili ptušak, voś jany i nie źlatajuć u vyraj, zastajucca zimavać u nas. Ale, kali tak, to ŭ marazy padkarmlivać ich treba abaviazkova, inakšt — zahinuć.
Jakija apietyty majuć ptuški ŭ roznych miescach Minsku? Hladzicie ŭ videa:
Darečy, u Parku Horkaha, kala vadaspadu, siarod sotniaŭ kačak možna pabačyć paru voś takich ptušak (jany taksama jość i na videa):
Jak vyjaviłasia, heta łyska (ci łysucha), ptuška, dosyć raspaŭsiudžanaja ŭ Biełarusi – ale voś u horadzie jaje sustreć nialohka, tym bolš, u samym centry.
