Pra heta zajaviŭ premjer‑ministr RF Uładzimir Pucin 4 lutaha na pasiadžeńni prezidyuma ŭrada, paviedamlaje RIA Novosti.
«My budziem i dalej raźvivać hetyja pracesy (intehracyi) až da stvareńnia Adzinaj ekanamičnaj prastory i ŭ adpaviednaści z hetym budziem vybudoŭvać naša ŭnutranaje zakanadaŭstva. Ale heta sprava budučyni, my damovilisia pra toje, što my piarojdziem da AEP z 1 studzienia 2012 hoda. Zrazumieła, Rasijskaja Fiederacyja budzie ruchacca ŭ hetym napramku», — skazaŭ Pucin.
***
Biełaruś, Kazachstan, Rasija i Ukraina zajavili pra namier stvaryć AEP u 2003 hodzie.
Praces zaciahnuŭsia ŭ suviazi z pazicyjaj Ukrainy, jakaja vystupała za stvareńnie zony svabodnaha handlu ŭ miežach AEP, ale admaŭlałasia ŭvachodzić u Mytny sajuz i vystupała suprać stvareńnia nadnacyjanalnych orhanaŭ hetaj arhanizacyi. Z prychodam u 2005 hodzie da ŭłady prezidenta Viktara Juščanki pieramovy pa AEP byli prypynieny. Prezidenty Biełarusi, Kazachstana i Rasii na sustrečy ŭ Ałmaty 19 śniežnia 2009 hoda damovilisia stvaryć Adzinuju ekanamičnuju prastoru da 1 studzienia 2012 hoda.