3 lutaha milicyja sprabavała ŭvarvacca ŭ kvaterku, jakuju vykarystoŭvali ŭ Minsku zamiest ofisa reparciory telekanała «Biełsat». Apieratar Ivan Šulha akurat vychodziŭ z padjezdu. Milicyjanty zahadali ŭpuścić ich u kvateru. Chłopiec ža naadvarot, pazvaniŭšy ŭ damafon, papiaredziŭ kaleh, kab nie admykali.
Šulhu skrucili, a ŭ kvateru na vulicy Daraševiča pačali hrukacca. Michaś Jančuk, jaki aficyjna zdymaje hetu kvateru ŭ palityka Alesia Michaleviča, paprasiŭ ludziej u cyvilnym patłumačyć, što adbyvajecca. Adzin, jaki nazvaŭsia staršym lejtenantam Savieckaha RAUS Karalkovym, skazaŭ, što pastupiła skarha ad susiedziaŭ. Urešcie, milicyja syšła ni z čym. Na nastupny dzień Ivana Šulhu sudzili za «drobnaje chulihanstva» i dali 10 sutak aryštu.
M.Jančuk nazvaŭ padziei sprobaj dyskredytavać kanał i zaškodzić pracy niezaležnych žurnalistaŭ.
Ivan Šulha dahetul adbyvaje pakarańnie na Akreścina.
0
0
0
0
0
0
