Francišak Viačorka padaŭ dakumenty na rehistracyju inicyjatyŭnaj hrupy na vybary ŭ Mazyry. Jon choča bałatavacca pa 25-j Stancyjnaj akruzie ŭ Mazyrski rajsaviet.
Byłoha staršyniu Moładzi BNF hod tamu pryzvali ŭ vojska, kab adarvać ad palityčnaj dziejnaści. U Mazyry jon słužyć u bataljonie supraćpavietranaj abarony.
Franaka niamožna vyłučyć ad Partyi BNF. Pavodle zakanadaŭstva ŭ časie słužby jon pavinien być biespartyjnym. Tamu jon budzie vyłučacca šlacham zboru podpisaŭ. Pra jahonaje rašeńnie paviedamiŭ Andruś Krečka, ciapierašni staršynia Moładzi BNF.
Asnoŭnuju ŭvahu Franak choča nadać pracy z žycharami navakolnych kvartałaŭ, čyj hałaŭny bol — raźbityja darohi. Taksama jon choča ad imia žycharoŭ patrabavać viartańnia Mazyru statusu radyjacyjna zabrudžanaj terytoryi. Hety status skasavany ŭładami z 1 studzienia 2010 hodu, što ciahnie za saboj skasavańnie biaspłatnaha charčavańnia dziaciej u škołach i dapłataŭ pracoŭnym. Franak akcentuje, što lhoty kasujuć, a tym časam u Mazyry budujuć ladovy pałac.
Darečy, Vincuk Viačorka, tata Franaka, maje bałatavacca ŭ deputaty ŭ Miensku. Z adnoj siamji, takim čynam, budzie dva kandydaty.