Palitžaŭnier Andruś Cianiuta źbirajecca ŭdzielničać u miascovych vybarach. Adnak administracyja častki pieraškadžaje hetamu i zapałochvaje patencyjnych siabroŭ inicyjatyŭnaj hrupy.
Na hetym tydni Andruś padaŭ rapart kiraŭnictvu častki, kab jamu dali mahčymaść zarehistravacca ŭ jakaści kandydata ŭ deputaty, adnak rapart zahadali pierapisać (byli techničnyja zaŭvahi). Učora zamkambat kapitan Ciarenćjeŭ paviedamiŭ, što Andruś musić jechać na palihon za horad, a zarehistravacca kandydatam jamu nie daduć.
Učora ŭ častcy Cianiuty kamandzir Alaksiej Čarnucha raspaŭsiudžvaŭ infarmacyju, nibyta Andruś razumova niedaraźvity, i kali chtości pojdzie da jaho ŭ inicyjatyŭnuju hrupu, atrymaje vymovy.Heta datyčyłasia ŭ pryvatnaści Eduarda Łobava — junak padtrymlivaje Anrusia, źbirajecca być u inicyjatyŭnaj hrupie, ale jamu pahražajuć mnostvam vymovaŭ, abiacajuć napisać drennuju charaktarystyku i pałochajuć prablemami z budučym uładkavańniem na pracu.
0
0
0
0
0
0
