U Žabincy (Bresckaja vobłaść) paviesiłasia 28‑hadovaja miascovaja žycharka, piedahoh adnoj sa škoł.
Pravierku pavodle faktu jaje hibieli pravodzić prakuratura Žabinkaŭskaha rajona.
Jak paviedamili ŭ prakuratury, cieła maładoj žančyny ŭ jaje kvatery znajšła śviakroŭ, jakaja žyła ź joju. Pavodle papiarednich źviestak, pryčynaj, jakaja padšturchnuła žančynu skončyć žyćcio samahubstvam,
mahło stać ankałahičnaje zachvorvańnie.
Pavodle infarmacyi staršaha pamočnika prakurora Bresckaj vobłaści Volhi Dźmitruk, u 2009 hodzie skončyli žyćcio samahubstvam 356 žycharoŭ vobłaści (ź ich try niepaŭnaletnija), bolšaść (291) — heta ludzi pracazdolnaha ŭzrostu. U sielskaj miascovaści zafiksavany 191 vypadak suicydu, u haradach — 165.
Jak zaznačyła Dźmitruk, u šerahu rehijonaŭ vobłaści letaś adznačany rost kolkaści suicydaŭ:
u Stolinskim rajonie z 15 da 30, Pružanskim — z 12 da 20, Małaryckim — z 8 da 12, u Breście — z 35 da 44, Pinsku — z 18 da 23, Baranavičach — z 29 da 34. U 2008 hodzie skončyli žyćcio samazabojstvam 352 žychary vobłaści, u tym liku šeść niepaŭnaletnich.