Kurs dalara ZŠA pa vynikach prajšoŭšych 24 lutaha biržavych tarhoŭ uzros na 6 rubloŭ i skłaŭ 2.926 rubloŭ, što źjaŭlajecca novym histaryčnym maksimumam. Papiaredni byŭ zafiksavany na tarhach 19 lutaha.
Pavodle źviestak BVFB, u tarhach dalaram brali ŭdzieł 26 bankaŭ. Abjom ździełak skłaŭ 16 młn. 522 tys. (popyt — 16 młn. 538 tys., prapanova — 3 młn. 385 tys.)
U tarhach jeŭra ŭziali ŭdzieł 23 banki. Abjom ździełak skłaŭ 7 młn. 566 tys. (popyt — 7 młn. 565 tys., prapanova — 8 młn. 696 tys.), a kurs źniziŭsia na 32 rubli da adznaki 3.962 rubli za jeŭra.
U tarhach rasijskim rublom brali ŭdzieł 26 bankaŭ. Kurs uzros z 96,88 da 97,43 rubla, taksama dasiahnuŭšy novaha histaryčnaha maksimumu. Abjom tarhoŭ skłaŭ 697 młn. 770 tys. rasijskich rubloŭ (popyt — 730 młn. 527 tys., prapanova — 697 młn. 770 tys.). Papiaredni rekord byŭ zafiksavany 17 lutaha (96,91 rubla).
Kurs valutnaha košyka (dalar ZŠA, jeŭra, rasijski rubiel) źniziŭsia na 0,004%: košt košyka na 25 lutaha składaje 1.041,46 rubla suprać 1.041,50 dniom raniej.
Z pačatku hoda kurs košyka ŭzros na 0,5%, dalara — na 2,2%, rasijskaha rubla — na 2,93%, jeŭra — źniziŭsia na 3,5%.
Na 2010 hod kalidor vahańniaŭ kursu biełaruskaha rubla ŭ dačynieńni da košyka valut ustanoŭleny ŭ miežach plus/minus 10%.
