U vyniku miedycynskaha abśledavańnia, jakoje prajšoŭ prezident ZŠA Barak Abama, stała viadoma, što jon tak i nie admoviŭsia ad kureńnia, piša The New York Post. Daktary praviali płanavy miedahlad viarchoŭnaha hałoŭnakamandujučaha ŭzbrojenych siłaŭ ZŠA.
Akramia taho, prezident maje prablemy ź levym kalenam. Zhodna z vynikami abśledavańnia, Abama prymaje supraćzapalenčyja preparaty, bo pakutuje na chraničny tendynit u levym kalenie. Na dumku daktaroŭ, heta źviazana ź jaho zachapleńniem baskietbołam.
Daktary rekamiendavali amierykanskamu prezidentu staranna trymacca dyjety, bo ŭzrovień chalesterynu ŭ jaho kryvi akazaŭsia davoli vysokim.
U vyniku abśledavańnia Abamie rekamiendavali pastaracca admovicca ad kureńnia, trymacca dyjety, nie złoŭžyvać ałkaholem. Akramia taho, daktary prapisali jamu śpiecyjalny režym dla ŭmacavańnia ciahlicaŭ noh, kab pazbavicca prablemaŭ z kalenam.
Abamie parekamiendavali praź piać hadoŭ jašče raz prajści kałonaskapiju.
0
0
0
0
0
0
