Mahčyma, jon užo pačaŭsia. Biełhidramet prahnazuje na 31 žniŭnia mocnyja zalevy.
Metearolahi paviedamlajuć, što siońnia čakajucca mocnyja daždžy, u asobnych rajonach Haradzienskaj, Viciebskaj i Mienskaj abłaściej – zalevy. Čakajucca navalnicy z chutkaściu vietru da 15-20 metraŭ za sekundu.
Vinoj usiamu – paŭdniovy cyklon, jaki z chutkaściu 35 km/h suniecca z Čornaha mora. Praŭda, synoptyki aptymistyčna zaznačajuć, što 1 vieraśnia mocnyja daždžy spyniacca. Zaŭtra temperatura pavietra čakajecca ŭ miežach 13-19 hradusaŭ ciapła, pa paŭdniovym zachadzie da 22 hradusaŭ.
U suviazi z mocnymi daždžami, staličnaja DAI papiaredziła napiaredadni ab mahčymym zatapleńni niekatorych vulic i učastkaŭ horadu, a mienavita: płoščy Banhałor, vulicy Niamiha, praspektu Dziaržynskaha, vulicaŭ Charkaŭskaja i Staletava, pierakryžavańniaŭ praspektu Pieramožcaŭ i vulicy Ihnacienki, praspektu Puškina i vulicy Prytyckaha.
Apošniaje štarmavoje papiaredžańnie synoptyki prahnazavali 24 žniŭnia, a 21 žniŭnia – mocnyja daždžy. Tady ŭsio zbyłosia.
Žnivo taksama spyniena.
