Na pamiežnym pierachodzie "Bierastavica" zatrymali troch hramadzian Biełarusi, jakija viartalisia ź Biełastoku. Padstava - knihi ŭ salonie aŭto.
Uładzimier Ciarochin i jaho siabry i nie padazravali, što histaryčnuju litaraturu, jakaja lehalna vydajecca i raspaŭsiudžvajecca na terytoryi Polščy i Biełarusi, nielha pravozić praź miažu. Kožny z zatrymanych mieŭ pry sabie kamplekt ź dzieviaci knižak i časopisaŭ (kožnaj pa adnym asobniku), jakija jany atrymali ad siabroŭ Biełaruskaha histaryčnaha tavarystva ŭ Biełastoku. Siarod knih - "Doŭhaja śmierć Krynak" S.Janoviča, "SBM. Viartańnie z zabyćcia" C.Kłykoŭskaj, "Kara za słužeńnie narodu" M.Pieciukieviča, "Dvanaccatka" Ja.Zaprudnika .
Spačatku mytnik, ubačyŭšy knihi, pabieh kansultavacca z načalstvam. Viarnuŭšysia, zahadaŭ adahnać mašynu na "iamu". Tam užo aŭto ahledzieli daskanała, kaža U.Ciarochin.
Paśla nadhladu mužčynaŭ dapytali. "Dzie ŭziali knihi? Kamu vieźli? Ci čytali sami?" Supracoŭnik mytni tav.Kavalčuk drenna vałodaŭ biełaruskaj. Tamu składańnie pratakołaŭ raściahnułasia na try hadziny, da samaje ranicy. Uciamna rastłumačyć pryčynu kanfiskacyi litaratury mytniki nia zdoleli, spasłaŭšysia na zahad načalstva i na toje, što ŭ zborniku materyjałaŭ "Naš radavod" utrymlivajucca źniavažlivyja źviestki pra prezydenta Biełarusi. "Źniavahaj" akazałasia mierkavańnie pra toje, što Łukašenka drenna vykazvajecca na adras palakaŭ.
Siabry BHT nakiravali listy pratestu na adras pasła ŭ Varšavie Paŭła Łatuški ŭ suviazi z kanfiskacyjaj ich vydańniaŭ na miažy.
