Paśla taho, jak Sajuz palakaŭ Biełarusi padzialiŭsia na praŭładnuju i niezaležnuju častki, palityčny padtekst nabyŭ navat kirmaš narodnaha majsterstva na Kaziuki ŭ honar Śviatoha Kazimira. Dakładniej, dva kirmašy, jakija prajšli ŭ Hrodnie 4 sakavika z roźnicaj u niekalki hadzin. Paraŭnaŭšy dva śviaty, možna było zaŭvažyć try asnoŭnyja adroźnieńni i adno supadzieńnie.
Na "dziaržaŭnym" kirmašy ŭ centry horada było šmat moładzi. SPB damaŭlajecca sa škołami horada, kab tyja dazvolili pravieści “adkrytyja” ŭroki.
Były staršynia aficyjnaha Sajuza palakaŭ Jazep Łučnik na publiku hetym razam nie pramaŭlaŭ, špacyravaŭ miž pryłaŭkaŭ.
Pres-kanfierencyja kiraŭnictva aficyjnaha SPB: Alena Bohdan, Stanisłaŭ Siamaška, juryst-konsult Eduard Kałoša, staršynia hrodzienskaha haradskoha adździeła Kazimir Znajdzinski, “novaabrany” staršynia ivianieckaha adździeła Stanisłaŭ Buračeŭski.
Alternatyŭnyja Kaziuki ŭ ofisie niezaležnaj arhanizacyi.
Bolšaść udzielnikaŭ alternatyŭnych Kaziukoŭ – siabry tavarystva narodnych majstroŭ, što pracuje pry Sajuzie palakaŭ.
Sienatar Stanisłaŭ Hohač taksama atrymaŭ padarunak: sapraŭdnuju vilenskuju palmu.
Adroźnieńnie pieršaje. Miesca
Kiraŭnik praŭładnaj polskaj arhanizacyi Stanisłaŭ Siamaška padčas adkryćcia «dziaržaŭnych» Kaziukaŭ, pafasna zaznačyŭ: «Tut možna film zdymać! Staražytnaje miesca, u jakoje ŭpisałasia hetaje śviata. Biez asablivaj raskošy.
Staršynia aficyjnaj arhanizacyi kazaŭ pra Savieckuju vulicu ŭ Hrodna, dzie i raskłali svaje vyraby zaprošanyja majstry.
«Witam w tej malutkiej sali!» («Vitaju ŭ hetaj maleńkaj zale») — pavitaŭsia staršynia tavarystva narodnych majstroŭ pry «inšym» SPB Stanisłaŭ Mulica. Nie majučy rehistracyi i Domu polskaha, arhanizacyja Anžaliki Borys usie svaje mierapryjemstvy vymušana pravodzić u svaim pamiaškańni na vulicy Budzionnaha.
Adroźnieńnie druhoje. Udzielniki
Pavodle Stanisłava Mulicy, raboty na kirmaš prynieśli 65 majstroŭ. «U bolšaści heta siabry našaha tavarystva. Naš załaty fond — kabiety stałaha vieku, hałoŭnyja zachavalnicy narodnych tradycyj, — raspavioŭ jon. —
Ale jość i tyja, chto prynios svaje vyraby, kab vykazać salidarnaść z našym Sajuzam».
Sam sp. Mulica zajmajecca vycinankaj i ŭdzielničaje ŭ Kaziukach razam z žonkaj. Śviata simvalizujuć hrodzienskija i vilenskija palmy — bukiety z sušanych kvietak, ziołak i złakaŭ.
Bolš masavym sioleta byŭ i kirmaš u centry horada. Tudy pryjechała kala dvuchsot majstroŭ z roznych haradoŭ Biełarusi.
Adroźnieńnie treciaje. Hości
Parniory Stanisłava Siamaški ŭ arhanizacyi Kaziukoŭ — hrodzienskija vykanaŭčyja ŭłady. Čynoŭnikaŭ ź ideałahičnaha i adździełu pa spravach relihij i nacyjanalnaściaŭ z honaram pradstavili na adkryćci śviata. Siarod zaprošanych haściej — pradstaŭniki litoŭskaj nacyjanalnaj mienšaści. Kiraŭnik biełaruskaha abjadnańnia litoŭcaŭ «Ajčyna» Ivan Maciulevič adznačyŭ, što mienavita pa prośbie siabroŭ jaho arhanizaci Dala Hrybaŭskajcie padziakavała Alaksandru Łukašenku za toje, što litoŭcaŭ kamfortna žyviecca na biełaruskaj ziamli.
Dypłamaty ni z polskaha, ni ź litoŭskaha konsulstvaŭ nie pryjšli. Namieśnica S.Siamaški Alena Bohdan patłumačyła, što konsuły katory hod nie adkazvajuć na ich zaprašeńni. Jaje šef tut ža badziora i ŭpeŭniena dadaŭ: «Ničoha! Jašče sustreniemsia».
Kab padtrymać niezaležnuju polskuju mienšaść, z Varšavy pryjechaŭ sienatar Stanisłaŭ Hohač. Jon padkreśliŭ, što palaki ŭ Polščy čakajuć ad biełaruskaha ŭradu nadańnia SPB Anžaliki Borys usich zakonnych pravoŭ. Ad polskaha Sienata jon uručyŭ padarunki arhanizataram i majstram Kaziukoŭ.
Supadzieńnie. Čakańni
U peŭnym momancie vykazvańni siabroŭ dvuch sajuzaŭ palakaŭ supali. I tyja, i druhija majuć vialikija nadziei na
— My čatyry hady dabivalisia hetaj kamisii — nas nichto nie čuŭ, — rospačna raspaviała žurnalistam Alena Bohdan. — Nam kryŭdna, što siońnia isnuje hrupka, jakaja nazvaje siabie palakami, i havoryć, što palakam tut kiepska. Prezident padziakavała za toje, što litoŭcam tut žyviecca dobra. My taksama heta chočam skazać. Ale čamuści tolki hrupku čujuć. Kamu heta patrebna?..
— My spadziajomsia, što hetaje pasiedžańnie — pačatak zakančeńnia kanfliktu vakoł našaj arhanizacyi, — na adkryćci kirmaša padsumavaŭ staršynia hałoŭnaj Rady Sajuza palakaŭ Andžej Pačobut.
