Samy nizkarosły čałaviek u śviecie — 21‑hadovy kitajec Che Pinhpinh raptoŭna pamior u Italii, kudy jon pryjechaŭ dla ŭdziełu ŭ papularnaj telepieradačy.
U čas zdymak Pinhpinh paskardziŭsia na drennaje samaadčuvańnie i bol u hrudziach. U suviazi z hetym jon byŭ špitalizavany ŭ adździaleńnie intensiŭnaj terapii adnoj z klinik Ryma, dzie pamior u minułyja vychadnyja. Pryčynaj śmierci stała spynieńnie serca, vyklikanaje šeraham uskładnieńniaŭ.
Pa prośbie svajakoŭ, Pinhpinh budzie pachavany na svajoj radzimie.
Che Pinhpinh naradziŭsia ŭ horadzie Ułańčabu (Unutranaja Manholija) u 1988 hodzie.
Pry naradžeńni jaho rost byŭ mienšy za dałoń darosłaha čałavieka, a vaha składała mienš za 500 h. U dziacinstvie baćki byli vymušany karmić jaho małakom praz tonkuju sałominku, bo jaho rot byŭ vielmi maleńkim dla ŭžyvańnia ježy. Chadzić i havaryć Pinhpinh pačaŭ tolki ŭ 3‑4 hady. U 18 hadoŭ jaho rost spyniŭsia na 74,61 sm, a vaha — na 7 kh.
U sakaviku 2008 hoda Che Pinhpinh byŭ aficyjna pryznany samym nizkarosłym čałaviekam na Ziamli. Tady ž adpaviedny zapis byŭ zrobleny ŭ Knizie rekordaŭ Hiniesa.