Sony kupiła usio (za 200 młn.) 1

Najvialikšaja ŭhoda ŭ historyi pop-muzyki:

kampanija Sony zapłaciła 200 miljonaŭ dalaraŭ, kab u nastupnyja 7 hadoŭ vypuścić albomy ź nieviadomymi pieśniami pamiorłaha śpievaka Majkła Džeksana. Pra heta paviedamlajuć navinovyja ahienctvy.

Budučyja albomy majuć uklučać pieśni Džeksana, jakija jon pisaŭ ciaham usiaho žyćcia, ale nidzie nie vystaŭlaŭ. Razam takich tvoraŭ nazapasiłasia bolš za 60.

Akramia piesień, Sony taksama prydbała ŭ siamji Džeksan prava na vyrab kampjutarnych hulniaŭ i DVD-stužak, źviazanych z žyćciom i tvorčaściu pop-śpievaka. Pavodle navinovych ahienctvaŭ, paśla padpisańnia kantraktu i ŭ vyniku prodažaŭ siamja Džeksan maje atrymać razam nie mienš za 250 miljonaŭ dalaraŭ.

Advakat Džeksana Tomas Mesera, jaki kiravaŭ pieramovami z Sony, zaznačyŭ u intervju, što 200-miljonnaja ŭhoda «cudoŭnaja navina», i što takuju ŭhodu «dobra padpisvać u čas, kali prodažy ŭžo isnych albomaŭ mocna ŭpali za apošnija niekalki hadoŭ».

U ramkach toj samaj uhody Sony prydbała prava na vypusk kancertnych albomaŭ Majkła Džeksana, a taksama prava rabić kancerty, pryśviečanyja pop-śpievaku.

ŁK

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH