U kožnaha chłopca na hetaj ziamli
Jość kropla sapraŭdnaj irlandskaj kryvi
Zialonaj, jak pušča viasnoju!
Kali raptam u serca patrapić jana,
U dušy ŭ ciabie zakvitnieje viasna,
I ty zaśpiavaješ sa mnoju!
Vočy koleru kaniušyny!
Hej-ho! Śviaty Patryk z nami!
Zialonaja vyspa – naša ajčyna!
Hej-ho! Čuješ, jak my śpiavajem?!
Kab na dušy tvajoj stała lahčej –
U pab zavitaj, vaźmi piva chučej,
Lepš za ŭsio, kab heta byŭ Hines,
U pienu piŭnuju ty nosam nyrni,
Adkryj svaje čakry, u astrał zazirni!
A kali ni z kim pić – zaprasi nas!
Vočy koleru kaniušyny!
Hej-ho! Śviaty Patryk z nami!
Chto piva nie pje — toj nie mužčyna!
A jak vypjem — zaŭsiody śpiavajem!
Svajoj pryhažości nie stracić Ajčyna,
Pakul u joj chapaje pryvabnych dziaŭčynak,
Jakija nam tak daspadoby!
Chaj buduć spačatku nasami krucić,
My viedajem jak heta možna źmianić:
Dziaŭčatki, pasłuchajcie słovy!
Vočy koleru kaniušyny!
Hej-ho! Śviaty Patryk z nami!
U siabie zakachajem lubuju žančynu!
Hej-ho, ścieražysia! Śpiavajem!
Kali ž na vajnu nas žyćcio paviadzie
Škada tych, chto stanie ŭ nas na ściazie,
Bo Patryk nas nie pakinie!
Daruj našym voraham chutkuju śmierć,
Bo hetak ža sama budziem my pieć,
Kali ź ich apošni zahinie!
Vočy koleru kaniušyny!
Hej-ho! Śviaty Patryk z nami!
Ad vorahaŭ my abaronim ajčynu!
Z žyćciom raźvitajsia! Śpiavajem!
Vočy koleru kaniušyny!
Hej-ho! Śviaty Patryk z nami!
Zialonaja vyspa — naša ajčyna!
Hej-ho! Čuješ, jak my śpiavajem?
