Vada ŭ Rajoŭcy dajšła da samych šybaŭ.
Pavodka dajšła da trasy Minsk - Maładziečna ŭ Krasnym, fota Rehijanalnaj haziety.
Kala 30 žycharoŭ vioski Rajoŭka Maładziečanskaha rajona z‑za padjomu ŭzroŭniu vady ŭ race Rybčanka adsieleny da susiedziaŭ i svajakoŭ. Padtoplena kala 15 damoŭ.
Za minułyja sutki ŭ Babrujsku ŭ vyniku padjomu ŭzroŭniu vady ŭ race Babrujka (prytok Bieraziny) padtoplena 69 damoŭ, 72 padvorki i 83 haspadarčyja pabudovy. Dvoje žycharoŭ časova adsielenyja ŭ hatel «Babrujsk», 204 čałavieki ad adsialeńnia admovilisia.
Kala vioski Huta Kiraŭskaha rajona ŭ sadovym tavarystvie «Vialikaja Huta» z‑za padjomu ŭzroŭniu vady ŭ race Lubanka (prytok Bieraziny) padtopleny 53 damy, 53 padvorki i 95 haspadarčych pabudovaŭ.
Za minułyja sutki tałaj vadoj na terytoryi krainy padtoplena 145 damoŭ.
Sioleta na terytoryi Biełarusi vyznačana šeść zonaŭ padtapleńnia. Samaj vialikaj i składanaj ź ich nazvana paleskaja zona. Pavodle Homielskaha abłasnoha ŭpraŭleńnia pa nadzvyčajnych situacyjach, u šerahu nasielenych punktaŭ rehijona vada padyšła da niebiaśpiečnaj adznaki, a ŭ niekatorych miescach pieraadoleła jaje. Da prykładu, kala Černičaŭ u Pietrykaŭskim rajonie vada na 1‑6 santymietraŭ vyšej za niebiaśpiečny ŭzrovień.
