Na šeść hadoŭ pazbaŭleńnia voli asudžany vykładčyk Mahiloŭskaha dziaržaŭnaha ŭniversytetu imia Kulašova za spryjalnyja vyrašeńni pytańniaŭ pry zdačy ekzamienaŭ dy zalikaŭ studentami 3 i 4 kursaŭ katedry fizyčnaha vychavańnia.
Śledztva dakazała, što padčas zimovaj sesii vykładčyk atrymaŭ ad studentaŭ padarunkaŭ na 722 tys. rubloŭ. U jakaści chabaru pieradavalisia pakunki z praduktami dy śpirtovyja napoi, a adnojčy była padaravanaja navat hazonakasiłka, na jakuju studenty źbirali hrošy cełym kursam.
Cikava, što siarod pradmietaŭ, jakija vykładaŭ asudžany byli "Asnovy patryjatyčnaha vychavańnia". Były vykładčyk — padpałkoŭnik u adstaŭcy, mieŭ ceły šerah uznaharod, siarod jakich byŭ medal "Za bajavyja zasłuhi".
Pa śviedčańniach starastaŭ hrupaŭ, vykładčyk byŭ vielmi dušeŭny. Byli momanty, kali były pedahoh zadavaŭ pytańni i sam na ich adkazvaŭ, a kali chto vyciahvaŭ 13-y bilet, to pa vynikach semestru atrymoŭvaŭ adznaku "aŭtamatam".
Sam asudžany sprabavaŭ apraŭdać siabie tym, što studenty prynosili padarunki vyklučna na śviaty — ci to na Novy hod, ci to na Chryščeńnie — vyklučna na pamiać pra jaho dobraje staŭleńnie.
