Kamisar ES pa transparcie Siim Kałas spadziajecca na toje, što ŭ paniadziełak 50% pavietranaj prastory nad Jeŭropaj budzie biaśpiečna dla palotaŭ i pałova zakrytych aeraportaŭ zmohuć adnavić pracu.
Jon taksama nazvaŭ najaŭnuju situacyju ŭ Jeŭropie «vielmi niaŭstojlivaj» i zapeŭniŭ, što jeŭrapiejskija ŭłady pracujuć nad pošukam rašeńnia, jakoje b nie naniesła škody biaśpiecy palotaŭ.
Na ranicu paniadziełka pavietranaja prastora 17 jeŭrapiejskich krain zastajecca zakrytaj z‑za vobłaka vułkaničnaha popiełu, što nakryła Jeŭropu paśla vyviaržeńnia vułkana ŭ Isłandyi.
U paniadziełak dniom pavinna prajści telekanfierencyja ministraŭ transpartu Jeŭrasajuza, na jakoj budzie pryniataje rašeńnie ab dalejšych dziejańniach jeŭrapiejskich uładaŭ z pryčyny dalejšaha aktyŭničańnia vułkana.
Ułady Niderłandaŭ užo zajavili, što pavietranaja prastora krainy budzie zakryta prynamsi da 14:00 pa miascovym časie paniadziełka (15:00 pa Minsku). Da hetaha ž času zastanucca začynienymi aeraporty Irłandyi i Hiermanii.
Vialikabrytanija adkryje pavietranuju prastoru nie raniej za 19:00 pa miascovym časie (21:00 pa Minsku).
U niadzielu avijakampanii i aeraporty pa ŭsioj Jeŭropie zaklikali nieadkładna pierahledzieć uviedzienyja zabarony na paloty.
