Biełaruski abaronca «Kałarada» Rusłan Salej minułaj nočču pravioŭ pieršy matč u ciapierašnim rozyhryšy Kubka Stenli, ale jaho kamanda paciarpieła parazu. «San‑Chase» pa vynikach čatyroch pajadynkaŭ zraŭniaŭ lik u sieryi pieršaha raŭndu płej‑of - 2:2.
«Kałarada» — «San‑Chase» — 1:2 (u oviertajmie) (0:1, 1:0, 0:0, 0:1). Šajby: 0:1 — Bojł (Kłou, Paviełski, 1.12, u bolšaści), 1:1 — P. Šciasny (Łajłz, Jip, 23.27, u bolšaści), 1:2 — Paviełski (D. Miurej, Kłou, 70.24). Kidki: 34‑45. Bramniki: Andersan — Nabokaŭ.
Treci raz u hetaj sieryi dla vyjaŭleńnia pieramožcy spatrebiŭsia oviertajm. Hetym razam paščaściła haściam, jakija taki prabili hałkipiera «Kałarada» Krejha Andersana.
Rusłan Salej pravioŭ na lodzie 21 chviliny 54 siekundy (26 źmieny), užyŭ 2 siłavyja pryjomy, zabłakavaŭ 2 streły supiernikaŭ dy zaviaršyŭ sustreču z pakazčykam karysnaści - 0.
Nastupnyja matčy sieryi (da 4 pieramoh) zapłanavany na 22 (ŭ San‑Chase), 24 (u Denviery) i 26 (ŭ San‑Chase) krasavika.
0
0
0
0
0
0
