Parazaj ad zbornaj Łatvii pa bulitach 4:5 (1:1, 1:2, 2:1, 0:0, 0:1) zaviaršyła zbornaja Biełarusi vystupleńnie na junijorskim čempijanacie śvietu pa chakiei, jaki prachodzić u Minsku i Babrujsku z 13 pa 23 krasavika.
Abiedźvie kamandy daterminova stracili prapisku ŭ top‑dyvizijonie. Pieramohu ŭ turniry za vyžyvańnie atrymali Kanada i Słavakija, jakija zaniali adpaviedna siomaje i vośmaje miescy. 22 krasavika paŭnočnaamierykancy vyjhrali ŭ słavakaŭ ź likam 4:2.
Vynikovaje stanovišča (paśla troch matčaŭ): Kanada — 9 punktaŭ (roźnica šajb 20‑6), Słavakija — 6 (11‑8), Łatvija — 2 (9‑13), Biełaruś — 1 (8‑21). U matčy za piataje miesca Šviejcaryja pieramahła Čechiju — 6:5.
23 krasavika ŭ minskim Pałacy sportu bronzavyja ŭznaharody razyhrajuć Finlandyja i Rasija, paśla čaho adbudziecca finalny matč Šviecyja — ZŠA.
0
0
0
0
0
0
