Afhanistan: amierykanski hienierał rychtuje maštabny nastup

Hienierał Stenli Mak-Krystał, kamandujučy zachodnimi vojskami ŭ Afhanistanie: červieńskaja ataka na Kandahar, kałysku i aporu talibaŭ, vyznačyć vynik vajny, jak nastup u pravincyi Anbar vyrašyŭ los vajny ŭ Iraku.

Paśla Iraku, dzie amierykancy pavolna rychtujucca da evakuacyi, vajna ŭ Afhanistanie źjaŭlajecca adnym z asnoŭnych uzbrojenych kanfliktaŭ zachodnich vojskaŭ.

— Naša niaŭdača ŭ Afhanistanie budzie vialikim pośpiecham prychilnikaŭ džychadu. Navat bolšym, čym pieramoha afhanskich partyzanaŭ padčas vajny z Savieckim Sajuzam u 80-ch. Našaja paraza padšturchnie prychilnikaŭ džychadu raspačać vajnu z Zachadam u inšych častkach śvietu.

Pra 56-hadovahaMak-Krystała skazaŭ, što čatyry hady tamu, kirujučy kamandas u Iraku, jon pierałamiŭ los, zdavałasia b, prajhranaj vajny. Mienavita kamandas Mak-Krystała zachapili Sadama Chusejna, jany zabili Abu Musaba al-Zarkavi, lidera irakskaha adździaleńnia Al-Kaidy, ale jany ž stali viadomyja žorstkim abychodžańniem sa źniavolenymi ŭ sakretnych turmach.

U Afhanistanie hienierał Mak-Krystał płanuje paŭtaryć irakski płan, što palahaje na pavieličeńni kolkaści sałdataŭ amal da 150 tysiač, zachopie haradoŭ i viosak, kantralavanych partyzanami, źniščeńni kamandziraŭ talibaŭ i, narešcie, pieraciahnieńni na svoj bok — siłaj ci hrašyma — mahčyma, mnohich paŭstancaŭ.

— Ja liču, pieramoha mahčymaja — zapeŭnivaje hienierał, jaki, prymajučy hod tamu kamandavańnie zachodnimi vojskami ŭ Afhanistanie, kazaŭ što Zachad prajhraje ŭ afhanskaj vajnie, i što pierałamić jaje chod, mahčyma, užo nielha.

Na pytańnie, ci možna budzie, u adpaviednaści z pažadańniami prezidenta Abamy i inšych zachodnich lideraŭ, prystupić da evakuacyi zachodnich vojskaŭ u pačatku vosieni 2011 hodu, hienierał adkazaŭ: «Pieramoha vymahaje času. Kankretnaha terminu ja vyznačyć nie mahu».

0

0

0

0

0

0

wiadomosci.gazeta.pl

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH