Prakuratura Ivacevickaha rajona rasśleduje kryminalnuju spravu ab zabojstvie 30‑hadovaj žycharki horada Kosava.
Jak paviedamiła staršy pamočnik prakurora Bresckaj vobłaści Volha Dźmitruk, ranicaj 3 maja ŭ rajonny adździeł unutranych spraŭ źviarnułasia svajačka zabitaj. Jana zajaviła, što jaje rodnaja siastra nie načavała doma i jaje miescaznachodžańnie ź viečara 2 maja nieviadomaje.
«Apytany ŭ suviazi z hetym 29‑hadovy muž źnikłaj zajaŭlaŭ, što nie viedaje, dzie žonka, i prasiŭ adšukać jaje, — dadała Dźmitruk. — Potym jon pryznaŭsia, što ŭviečary 2 maja ŭ sałonie asabistaha aŭtamabila zadušyŭ jaje, vyviez za miežy horada i, pryviazaŭšy da cieła mietaličny pradmiet, utapiŭ jaho ŭ mielijaracyjnym kanale.
Pavodle jaho słoŭ, pryčynami zabojstva stali pastajannyja na praciahu apošnich piaci hadoŭ kanflikty z žonkaj, jaje paproki i niazhoda skasavać šlub, čaho jon patrabavaŭ».
Padazrony pakazaŭ miesca, dzie ŭtapiŭ trup žonki. Cieła z vady padniali. Pravodzicca sudova‑miedycynskaja ekśpiertyza.
Prakuraturaj Ivacevickaha rajona 5 maja była raspačata sprava na padstavie č. 1 art. 139 Kryminalnaha kodeksa (zabojstva). Padazrony zatrymany. Jon maje sudzimaść za niezakonnaje zachoŭvańnie patronaŭ i adbyvaje pakarańnie ŭ vyhladzie papraŭčych rabot. U siamji dvoje dziaciej — 10‑miesiačny chłopčyk i siamihadovaja dziaŭčynka.
