Balšynia kamentataraŭ pastaviła kryž na rehistracyi Paźniaka. Maŭlaŭ, charyzmatyka ŭ kampaniju nia puściać. Analityki staranna dakopvajucca, što Łukašenku vyhadna, a što nie. Kab ža jany z takim impetam šukali, što vyhadna apazycyi...
Ale vierniemsia da Łukašenki. Čamu b dziejnamu lideru było niavyhadna, kab śledam za im na pjedestale hetaj kampanii naturalnym čynam apynulisia Paźniak ź Milinkievičam? Pa-pieršaje, elehantnaja pieramoha. Pa-druhoje, kozyr u hulni z Maskvoj: bačycie, nacyjanalisty na piaty nastupajuć, ledź strymlivaju, dajcie jašče preferencyjaŭ!
Zrešty, hetym razam uładzie, moža, i nie da elehantnaści. U kožnym razie, zbor podpisaŭ za dziejnaha lidera idzie pad jahonym ža devizam: kudy vy padzienieciesia!..
Niekatoryja analityki adznačali, što Maskva kroŭna zacikaŭlenaja ŭ tym, kab Biełaruś zastavałasia ŭ mižnarodnaj izalacyi, a biełaruskaja palityčnaja systema — despatyjaj, bo tolki ŭ hetym vypadku Maskva moža praciahvać daminavać miž Dniaprom i Buham. Nierehistracyja Paźniaka, jakaja pazbavić jaho mahčymaści viarnucca ŭ krainu, budzie vyhadnaja najpierš Maskvie. Viartańnie lidera nacyjanalnaj pravicy ŭ palityčny praces naadvarot było b krokam krainy da narmalnaści.
Fota Julii Daraškievič