Prezident ZŠA Barak Abama padpisaŭ u paniadziełak zakonaprajekt, skiravany na spryjańnie svabodnaj presie va ŭsim śviecie. Padpisańnie zakonaprajektu inśpiravanaje zabojstvam u Pakistanie Denijeła Perła, reparciora Wall Street Journal, nieŭzabavie paśla teraktaŭ 11 vieraśnia 2001.
Dadzieny zakonaprajekt patrabuje ad Dziaržaŭnaha departamienta pašyryć pravierku faktaŭ zapałochvańnia i abmiežavańnia svabody srodkaŭ masavaj infarmacyi ŭ miežach svajho štohadovaha ahladu stanu pravoŭ čałavieka ŭ kožnaj krainie.
Abama padpisaŭ zakonaprajekt u prysutnaści siamji Denieła Perła — jaho ŭdavy Meryjan i syna, jaki nikoli nie bačyŭ baćku i jaki naradziŭsia praź niekalki miesiacaŭ paśla jaho śmierci.
Denieł Perł, stały karespandent Wall Street Journal, rabiŭ repartaž pra terarystyčnyja hrupoŭki ŭ Pakistanie, kali byŭ vykradzieny i abiezhałoŭleny ŭ pačatku 2002 hodu. U Pakistanie ŭ hetym byli pryznanyja vinavatymi čaćviora mužčyn, a Chalid Šejch Machamied, samaabvieščany lider «9/11», raskazaŭ amierykanskim śledčym u 2007 hodzie, što jon zabiŭ Denieła Perła.