Hrafik pavyšeńnia taryfnaj staŭki pieršaha razradu na 2010 hod budzie skarektavany, kab da kanca hoda zabiaśpiečyć paskorany rost zarobkaŭ. Paviedamiŭ pieršy namieśnik ministra pracy i sacyjalnaj abarony Biełarusi Piotr Hrušnik 19 maja na pres‑kanfierencyi ŭ Minsku.
Pavodle jaho słoŭ, pavyšeńnie taryfnaj staŭki pieršaha razradu
nieabchodnaje dla vykanańnia pastaŭlenaj zadačy zabiaśpiečyć da kanca hoda siaredniamiesiačnuju zarabotnuju płatu ŭ 500 dalaraŭ, u tym liku ŭ biudžetnaj śfiery — 405 dałaraŭ.
Hrafik pavyšeńnia taryfnaj staŭki pieršaha razradu byŭ zaćvierdžany Minpracy, Minfinam i Minekanomiki i praduhledžvaŭ rost narmatyva 1 krasavika, 1 vieraśnia i 1 listapada 2010 hoda. Adnak ekanamičnyja mahčymaści dziaržavy nie dazvolili realizavać hrafik, paviedamiŭ Hrušnik.
Pavodle jaho słoŭ, siońnia prapracoŭvajucca inšyja varyjanty pavyšeńnia taryfnaj staŭki pieršaha razradu. Va ŭstanoŭlenym paradku jany buduć padadzieny ŭradu, paviedamiŭ čynoŭnik.
Pieršy namieśnik ministra nie zmoh nazvać kankretnyja terminy pavyšeńnia taryfnaj staŭki pieršaha razradu. Razam z tym jon zajaviŭ, što jana harantavana ŭzraście. «Taryfnaja staŭka pieršaha razradu ŭ luboj situacyi budzie pavyšana — ź siońniašniaha, zaŭtrašniaha, paślazaŭtrašniaha dnia. Jana budzie ŭdakładniacca za košt zvarotnaha liku, kab vyjści na tyja pakazčyki, jakija siońnia ŭ nas daviedzieny», — zaklučyŭ Hrušnik.
